شرافت اسلام بٹ کوآرڈینیٹر پی ایچ ایف برائے بلوچستان تعینات

پاکستان ہاکی فیڈریشن نے شرافت اسلام بٹ کو کوآرڈینیٹر پی ایچ ایف برائے بلوچستان تعینات کرکے اعلامیہ جاری کردیا

شرافت اسلام بٹ بطور صوبائی کوآرڈینیٹر پی ایچ ایف، بلوچستان میں ہاکی کے معاملات میں پاکستان ہاکی فیڈریشن اور بلوچستان ہاکی ایسوسی ایشن کی معاونت کرینگےاور اس سلسلہ میں صوبہ بلوچستان میں ہاکی کی ترویج و ترقی کے لئے متعلقہ محکمہ جات سے معاونت اور روابط کے ساتھ ساتھ قومی کھیل کی ترقی کے لئے صوبائی سطح پر منصوبہ جات میں پی ایچ ایف اور صوبائی ہاکی ایسوسی ایشن کی نمائیندگی اور معاونت کرینگے۔

ڈیپارٹمنٹل سپورٹس کی بحالی، پاکستان ہاکی فیڈریشن کا خیر مقدم

شرافت اسلام بٹ کو یہ ذمہ داریاں صدر پاکستان ہاکی فیڈریشن برگیڈیئررخالد سجاد کھوکھر کی ہدایات اور منظوری سے سونپی گئی ہیں ۔ پی ایچ ایف کی جانب سے جاری شدہ نوٹیفکیشن کے مطابق صوبہ بلوچستان میں شرافت بٹ کو کوآرڈینیٹر پی ایچ ایف برائے صوبہ بلوچستان تعینات کردیا گیا ھے۔ شرافت اسلام بٹ قومی جونیئر ہاکی ٹیم کے سٹینڈ بائی کھلاڑی رہے اور پاکستان سکولز ہاکی ٹیم کی جانب سے پاکستان کی نمائیندگی بھی کی۔