وزیراعظم پاکستان شہباز شریف نے مصر کے شہر شرم الشیخ میں غزہ امن معاہدے پر دستخط کی تقریب کے دوران کہا کہ وزیراعظم پاکستان شہباز شریف امن کے حقیقی سفیر ہیں اور انہیں نوبیل انعام دینے کے لیے ایک بار پھر درخواست کرتے ہیں۔
شہباز شریف نے خطاب میں کہا کہ انتھک کوششوں کے بعد امن حاصل کرنے میں کامیابی ملی، صدر ٹرمپ کی بدولت جنوبی ایشیا میں امن ممکن ہوا اور لاکھوں زندگیاں بچائی گئیں۔ انہوں نے مزید کہا کہ پاکستان نے صدر ٹرمپ کو نوبیل انعام کے لیے نامزد کیا تھا کیونکہ وہ دنیا میں امن کے لیے دن رات کام کر رہے ہیں۔ تقریب میں امریکی صدر ڈونلڈ ٹرمپ نے بھی خطاب کرتے ہوئے کہا کہ غزہ امن معاہدہ خطے میں پائیدار امن کے قیام کے لیے سنگِ میل ثابت ہوگا۔ انہوں نے کہا کہ یہ تاریخی لمحہ دوست ممالک کے تعاون اور مشترکہ کوششوں کا نتیجہ ہے، اور مصر کا کردار اس میں کلیدی رہا۔
ٹرمپ کا وزیراعظم کا شکریہ ،فیلڈ مارشل سید عاصم منیر کی تعریف
صدر ٹرمپ نے مزید کہا کہ امریکا اور اس کے شراکت دار مشرقِ وسطیٰ میں دیرپا امن اور استحکام کے خواہاں ہیں اور وہ غزہ کی تعمیرِ نو میں بھرپور کردار ادا کریں گے۔ صدر ٹرمپ نے تقریب کے دوران خود وزیراعظم شہباز شریف کو خطاب کرنے کی دعوت دی اور فیلڈ مارشل سید عاصم منیر کی بھی تعریف کی۔ انہوں نے کہا کہ وہ وزیراعظم کا شکریہ ادا کرنا چاہتے ہیں اور اپنے پسندیدہ فیلڈ مارشل کو نیک تمنائیں بھیجتے ہیں۔
واضح رہے کہ اسرائیل اور حماس نے امریکی صدر ٹرمپ کے 20 نکاتی امن منصوبے سے اتفاق کیا، جس کے بعد حماس نے اسرائیلی یرغمالیوں کو رہا کر دیا اور اسرائیلی جیلوں میں قید سیکڑوں قیدی بھی آزاد کر دیے گئے۔
اقوام متحدہ سیکریٹری جنرل کا اسرائیلی یرغمالیوں کی رہائی پر خیرمقدم
کسی بیرونی مشورے کی ضرورت نہیں،پاکستان کا طالبان بیانات پر سخت ردعمل
میکسیکو میں طوفانی بارشوں سے تباہی، 64 ہلاک اور 65 لاپتا
غزہ امن کانفرنس: اسحٰق ڈار کی امریکی و ترک وزرائے خارجہ سے ملاقات
