اقوام متحدہ کی جنرل اسمبلی کے 80ویں اجلاس کے موقع پر وزیراعظم محمد شہباز شریف نے کویت کے ولی عہد شیخ صباح الخالد الحمد المبارک الصباح سے ملاقات کی، جس میں مشرق وسطیٰ کی صورتحال سمیت علاقائی اور عالمی امور پر تبادلہ خیال کیا گیا۔
پی ٹی وی کی رپورٹ کے مطابق وزیراعظم نے پاکستان اور کویت کے دیرینہ برادرانہ تعلقات کا ذکر کرتے ہوئے امیرِ کویت شیخ مشعل الاحمد الجابر الصباح کے لیے نیک خواہشات کا اظہار کیا۔ شہباز شریف نے کہا کہ پاکستان اور کویت ہمیشہ ایک دوسرے کے ساتھ کھڑے رہے ہیں، جبکہ حالیہ سیلاب کے بعد کویت کے اظہارِ یکجہتی پر شکریہ ادا کیا۔ملاقات میں دونوں ممالک کے درمیان دوطرفہ تعاون کی مثبت پیش رفت پر اطمینان ظاہر کیا گیا اور وزیراعظم نے تجارت، سرمایہ کاری، زراعت، لائیوسٹاک، افرادی قوت کی برآمد اور صحت کے شعبوں میں تعلقات مزید مضبوط بنانے کی خواہش ظاہر کی۔
وزیراعظم نے کہا کہ پاکستان رواں برس کے آخر میں کویتی ولی عہد کے سرکاری دورے کا منتظر ہے، جس کی تاریخیں سفارتی ذرائع سے طے کی جا رہی ہیں۔کویتی ولی عہد نے فلسطینی عوام پر مظالم کو بے نقاب کرنے اور خطے میں امن کے لیے پاکستان کی سفارتی کوششوں کو سراہا۔ دونوں رہنماؤں نے دوطرفہ اور کثیر جہتی فورمز پر قریبی تعاون کے عزم کا اعادہ بھی کیا۔
آئی سی سی نے امریکی کرکٹ کی رکنیت معطل کر دی
9 مئی جی ایچ کیو حملہ کیس: عمران خان کی دو درخواستیں خارج
پاکستان اور ہنگری کے وزرائے خارجہ کی ملاقات، تعلقات مزید مضبوط بنانے پر اتفاق
‘غزہ انسانیت اور عالمی ضمیر کا قبرستان بن چکا ہے، اسحٰق ڈار
جسٹس جہانگیری نے بطور جج کام سے روکنے کے خلاف سپریم کورٹ سے رجوع کر لیا
