سندھ کے سینئر وزیر شرجیل انعام میمن کی جانب سے بیمار صحافی اسحاق سرکی کی ہر ممکن مدد کا اعلان کر دیا گیا
شرجیل میمن کا کہنا تھا کہ حکومت سندھ کی جانب سے بیمار صحافی اسحاق سرکی کو ہر ممکن مدد فراہم کی جائے گی، صحافی اسحاق سرکی کی طبعیت کی ناسازی کا سن کر پریشانی ہوئی ہے،مشکل وقت میں، ہماری دعائیں اسحاق سرکی کے ساتھ ہیں، ہم ان کی جلد صحتیابی کے لئے دعاگو ہیں، دعا ہے کہ اسحاق سرکی جلد صحتیاب ہوکر اپنی صحافتی فرائض سرانجام دیں،
واضح رہے کہ صحافی اسحاق سرکی بیمار ہیں اور ہسپتال میں زیر علاج ہیں، صحافی کی بیماری کی خبر سامنے آئی تو سندھ کے سینئر وزیر شرجیل انعام میمن نے مدد کا اعلان کیا جس کو صحافی برادری نے سراہا ہے اور کہا ہے کہ شرجیل میمن ماضی میں بھی صحافیوں کی مدد کرتے رہے ہیں،
