شہریار منور کا تنقید کرنے والوں کو کرارا جواب

پاکستان شوبز انڈسٹری کے معروف اداکار شہریار منور نے اپنے فوٹو شوٹ پر تنقید کرنے والے سوشل میڈیا صارفین کو کرارا جواب دے دیا-

باغی ٹی وی : معروف اداکار شہریار منور ان دنوں اپنے فوٹو شوٹ کی وجہ سے تنقید کا نشانہ بنے ہوئے ہیں حال ہی میں انہوں نے سائرہ یوسف کے ساتھ بھی فوٹو شوٹ کروایا تھا جس میں سائرہ کے بولڈ انداز کی وجہ سے سوشل میڈیا پرتنقید کا نشانہ بنایا گیا تاہم اب سائرہ کے بعد صارفین نے شہریار کو بھی تنقید کا نشانہ بنانے کی کوشش کی جو صارفین کو مہنگی پڑگئی۔

اداکار شہریار منور نے حآل ہی میں سماجی رابطے کی ویب سائٹ انسٹاگرام پر اپنے نئے فوٹو شوٹ کی تصاویر شئیر کیں ہیں جن پرایک صارف نے تنقید کرتے ہوئے لکھا کہ وہ غریبوں کے براڈلے کوپر لگ رہے ہیں –

صارفین کی تنقید پر ردعمل دیتے ہوئے اداکار نے لکھا کہ غریب ہونا معاشرتی عیب نہیں ہے لیکن میں آپ کا شکریہ ادا کرتا ہوں مجھے ایسے گروپ سے وابستہ کرنے کے لئے جوکہ اپنے لئے اور اپنی فیملی کے لئے دن رات محنت کرتے ہیں جب کہ ایسے لوگ قابل احترام ہوتے ہیں۔

ایک اور بھارتی صارف نے طنزیہ انداز کے ساتھ لکھا کہ نماز بھی پڑھ لو یہ نہ ہو کے اس سے قبل آپ کی نماز پڑھی جائے۔

اس بھارتی صارف کو شہریار منور نے جواب دیتے ہوئے کہا کہ الحمد اللہ میں پانچ وقت کی نماز پڑھتا ہوں اور کبھی کبھار رب العزت کی مہربانی سے تہجد کی نماز بھی نصیب ہو جاتی ہے۔

شہر منور نے یہ بھی لکھا کہ نماز میرے اور رب کے درمیان کا معاملہ ہے اور میرا کام بھی میرے لئے ایک عبادت ہے جب کہ رب حساب کرنے والا ہے لیکن تم لوگوں سے انسٹا گرام پر حساب لینا بند کرو کیوںکہ ایک دن تمھاری بھی نماز پڑھی جانی ہے۔

سائرہ یوسف کو سوشل میڈیا پر وائرل حالیہ فوٹو شوٹ کی تصاویر پر تنقید کا سامنا