ڈسٹرکٹ اینڈ سیشن کورٹ اسلام آباد نے پاکستان تحریک انصاف (پی ٹی آئی) کے رہنما شہبازگل پر اداروں کو بغاوت پر اکسانےکےکیس میں بریت کی درخواست مسترد کرنےکا تفصیلی فیصلہ جاری کر دیا۔
باغی ٹی وی: ایڈیشنل سیشن جج طاہر عباس سپرا نے 3 صفحات پر مشتمل تفصیلی فیصلہ جاری کر دیا، فیصلےمیں کہا گیاہےکہ وکیل صفائی کےمطابق شہبازگل کےخلاف کیس یو ایس بی کی بنیاد پربنایا گیاوکیل صفائی کےمطابق یو ایس بی کی کبھی فارنزک نہیں کروائی گئی، وکیل صفائی کے مطابق شہبازگل کےخلاف ثبوت نہیں، سیاسی انتقام پرکیس بنایا گیا۔
آصف زرداری پر الزام تراشی:شیخ رشید کی درخواست ضمانت پر مدعی مقدمہ اور پولیس کو نوٹس جاری
فیصلے میں کہا گیا ہےکہ وکیل صفائی کے مطابق ثبوت فرد جرم عائد کرنے کے لیے ناکافی ہیں شہبازگل کے خلاف وفاقی حکومت کی دی گئی کیس کی اجازت ریکارڈ پر ہے، ابھی تک شہبازگل پر فردجرم عائد نہیں کی گئی، شہبازگل کے خلاف ابھی ثبوت اور گواہان کے بیانات قلمبند نہیں ہوئے-
فیصلے میں عدالت نے کہا کہ جرح میں شہبازگل کے پاس ثبوتوں اور گواہان کے بیانات پر سوالات کا اختیار ہوگا، شہبازگل کا مقدمے سے تعلق جوڑنےکے لیے ریکارڈ پر اطمینان بخش ثبوت موجود ہیں۔
عدالت نے مزید کہا ہےکہ شہبازگل دوران سماعت اپنے دیئےگئے بیان سے کبھی انکاری نہیں ہوئے،کیس اس اسٹیج پر نہیں جہاں یو ایس بی کے اصلی یا نقلی ہونے پر رائے قائم کی جائے، شہبازگل کی جانب سے دائر بریت کی درخواست مسترد کی جاتی ہے۔
