فیصل آباد: ایف آئی اے سائبر کرائم سرکل نےایک کارروائی کرتےہوئےشہریوں کو کال کرکےلوٹنے والے منظم گینگ کے 4ارکان کوگرفتار کرلیا جن کے قبضے سے 9 موبائل فونز اور متعدد سمز برآمد کر لی گئی ہیں-
باغی ٹی وی: ترجمان کے مطابق منظم گینگ سادہ لوح شہریوں سے بذریعہ کال فراڈ کرنے میں ملوث تھا۔ ملزمان خود کو شکایت کنندگان کا رشتےدار ظاہر کرتے ہوئے کال کرتے اور من گھڑت پریشانیوں کا اظہار کرتے ہوئے پیسے ہتھیا لیتے تھے۔
ملتان: میگا کرپشن اسکینڈل میں ملوث پی ٹی آئی گرفتار
ملزمان دھوکا دہی کے لیے خود کو بینک ملازمین بھی ظاہر کرتے ہوئے فراڈ کرتے تھے اور متعدد شہریوں سے لاکھوں روپے بٹور چکے تھے۔ ایف آئی اے نے کارروائی کرتے ہوئے ملزمان کو شاہ کوٹ ننکانہ سے گرفتار کیا گرفتار ملزمان میں محمد رشید، محمد اویس، محمد عدیل اور تصور منظور شامل ہیں، ۔ ایف آئی اے نے ملزمان کے خلاف مقدمہ درج کر کے تفتیش کا آغاز کر دیا ہے۔
امریکا میں دو بلیک ہاک ہیلی کاپٹر گر کر تباہ
دوسری جانب فیصل آباد میں ہی جعل سازوں نے جعلی ہاؤسنگ اسکیموں کے ذریعے شہریوں کو 6 ارب روپے کا چونا لگادیا ایف آئی اے کے مطابق ملزمان نے 300 سے زائد افراد کوسرمایہ کاری کاجھانسہ دے کر فراڈ کیا جس میں ملزمان نے جعلی اسکیموں میں پلاٹ خریدنے پر بھاری انعامات کا لالچ دیا۔
اے این ایف کی ملک بھر میں کارروائی،بھاری مقدار میں منشیات برآمد،ملزمان گرفتار
ایف آئی اے کے مطابق ملزمان نے قیمتی گاڑیاں اور بے نامی جائیدادیں بنا رکھی ہیں جب کہ ملزمان نے شہریوں سے لوٹی رقم غیرقانونی طریقے سے دبئی منتقل کی مالکان سمیت 9 افراد کے خلاف مقدمہ درج کرلیا گیا ہے جب کہ تین ملزمان بھی زیرحراست ہیں۔
