شہزین راحت نے نکاح کی تصاویر شئیر کرتے ہوئے مداحوں کی کشمکش دور کر دی

شوبز انڈسٹری کی ابھرتی ہوئی اداکارہ شہزین راحت نے نکاح کی تصاویر شئیر کرتے ہوئے مداحوں کی کنفیوژن دور کر دی-

باغی ٹی وی :شہزین راحت نے اپنے فوٹو اینڈ ویڈیو شئیر ایپلیکیشن انسٹاگرام پر اپنے نکاح کی تقریب کی نئی تصویریں شیئرکرتے ہوئے مداحوں کی کشمکش دور کرتے ہوئے کہا ہے کہ ابھی اُن کا صرف نکاح ہوا ہے جبکہ رخصتی اگلے سال ہوگی۔

انسٹاگرام پر شیئر کی گئی تصویروں میں شہزین راحت سفید اور جامنی رنگ کے خوبصورت لباس میں ملبوس ہیں جبکہ اُن کے شوہر محبت بھری نگاہوں سے اپنی اہلیہ کی طرف دیکھ رہے ہیں۔

شہزین راحت نے اپنے نکاح کی تقریب کی یہ تصویریں انسٹاگرام پر شیئر کرتے ہوئے لکھا کہ بہت سارے لوگ اس کشمکش میں مبتلا ہیں کہ نکاح کے ساتھ میری رخصتی بھی ہوگئی ہے۔

اداکارہ نے مداحوں کی کشمکش دور کرتے ہوئے کہا کہ ’ابھی میرا صرف نکاح ہوا ہے جبکہ انشاءاللہ! رخصتی کی تقریب اگلے برس منعقد کی جائے گی-

شہزین نے سوشل میڈیا پر ملنے والے محبت بھرے پیغامات اور نیک تمناؤں کے لیے تمام مداحوں اور دوستوں کا شکریہ ادا کرتے ہوئے
اپیل کی کہ اُنہیں اور اُن کے شوہر کو لازمی دُعاؤں میں یاد رکھا جائے۔

واضح رہے کہ شہزین راحت پاکستان کی ابھرتی ہوئی اداکارہ ہیں جو پاکستان شوبز انڈسٹری کے متعدد ڈراموں اور فلموں میں معاون اداکارہ کے طور پر اداکاری کے جوہر دکھا چکی ہیں۔

اداکارہ شہزین راحت رشتہ ازدواج میں منسلک ہوگئیں