سابق وزیر داخلہ شیخ رشید کو اسلام آباد انٹرنیشنل ائیرپورٹ پر بیرون ملک جانے سے روک دیا گیا۔
لاہور ہائیکورٹ راولپنڈی بینچ نے سابق وفاقی وزیر شیخ رشید کا نام پاسپورٹ کنٹرول لسٹ اور پی این آئی ایل سے بھی سےنکالنےکا حکم دیا تھا لیکن اس کے باوجود سابق وزیر داخلہ شیخ رشید کو بیرون ملک جانے سے روک دیا گیا جس پر شیخ رشید نے اپنے ویڈیو بیان میں کہا کہ جسٹس صداقت علی خان نے مجھے عمرے پر جانے کی اجازت دی تھی، عدالتی احکامات کی کاپی بھی متعلقہ اداروں کو بھیجی گئی تھی، عدالت نے واضح ہدایات دی تھیں کہ کوئی شکایت نہ ہو لیکن ائیرپورٹ پر پہنچا تو عمرے پر جانے سے روک دیا اورکہا گیا آپ نہیں جا سکتے، توہین عدالت کیلئے جسٹس صداقت علی خان کی عدالت میں جاؤں گا،جس ملک میں ہائیکورٹ کا حکم نہ چلتا ہو وہاں آسمان کی طرف ہی دیکھنا ہے، اللہ عمرہ بھی کروائے گا، ان کو اپنے فیصلے پر شرمندہ بھی ہونا پڑے گا۔
