شیخ رشید نے ریلوے ملازمین کے دل جیت لئے، بڑا اعلان
پاکستان ریلوے نے گریڈ ایک سے گریڈ پانچ کے ملازمین کی پنشن کے واجبات جو 2016-17 سے رُکے ہوئے تھے وہ ادا کردیئے ہیں۔ ان خیالات کا اظہار وفاقی وزیر ریلوے شیخ رشید احمد نے ریلوے ہیڈکوارٹرز آفس لاہو رمیں میڈیا سے گفتگوکرتے ہوئے کیا۔
انہوں نے کہا کہ گریڈ 6 سے گریڈ 10 تک کے پنشنرز کے واجبات ہم اگلے مہینے کی پہلی تاریخ کو ادا کردیں گے۔ ملازمین کی سہولت کے لیے تنخواہوں کی طرح تمام پنشنرز اور بیواﺅں کے چار سے پانچ سال کے واجبات اُن کے بنک اکاﺅنٹ میں جائیں گے تاکہ اُن کو پیسے وصول کرنے میں آسانی ہو۔ تین ماہ میں پنشنرز اور بیواﺅں کے واجبات کلیئر کرنے جارہے ہیں۔
گریڈ ایک سے گریڈ پانچ تک کے تمام ملازمین اور پنشنرز جن کی تعداد تقریباً 1606 ہے جبکہ گریڈچھ سے گریڈ دس کی تعداد تقریباً اڑھائی ہزارپنشنرز ہےںاور اس کے بعد گریڈ11 سے 16 گریڈ کے پنشنرز کے واجبات ادا کریں گے ۔ یہ واجبات 2017 سے واجبب الادا تھے۔
انہوں نے مزید کہا کہ میں سمجھتا ہوں کہ ہماری وزارت میں سب سے بہتر کاموں میں سے ایک یہ ہوا کہ سب کو واجبات کی ادائیگی کردی گئی ہے۔دسمبر کے مہینے میں کرسمس کی مناسب سے اپنے عیسائی بھائیوں کے واجبات بھی ادا کردئیے تھے اور تنخواہ جلد دینے کی ہدایت بھی جاری کردی ہے۔
وفاقی وزیر ریلوے نے کہا کہ یکم جنوری سے عوام کی سہولت کے لیے شالیمار ایکسپریس فیصل آباد سے کراچی اور کراچی سے فیصل آباد کے درمیان چلے گی۔ ہ حاضری کے سسٹم کو بہتر بنانے کے لیے بائیومیٹرک حاضری سسٹم کو ہرصورت لاگو کررہے ہیںہ دھند کے باوجود ٹرینوں کے اوقات کار کو بہتر کیا جائے تاکہ مسافروں کو دوران سفر کسی قسم کی پریشانی کاسامنا نہ کرنا پڑے اور وہ وقت پر اپنی منزل پر پہنچ سکیں ۔
