ڈسٹرکٹ کورٹ اسلام آباد ،پی ٹی آئی رہنما شیخ وقاص اکرم نے فواد چوہدری کیخلاف 10 ارب ہرجانے کا دعویٰ دائر کردیا،
دعوے میں کہا گیا کہ فواد چوہدری کیجانب سے سوشل میڈیا پلیٹ فارمز پرجھوٹی اور توہین آمیز بیان بازی کی جاتی ہے، درخواست گزار عزت دار شہری اور قومی اسمبلی میں عوام کا الیکٹڈ نمائندہ ہے، مذکورہ دعویٰ اسلام آباد (ویسٹ) کے معزز ڈسٹرکٹ جج کی عدالت میں دائر کیا گیا ہے، جس میں مدعی نے مؤقف اختیار کیا ہے کہ فواد حسین نے اُن کی شہرت کو نقصان پہنچانے کی غرض سے جھوٹے الزامات لگائے، جو نہ صرف ان کی ساکھ کے خلاف تھے بلکہ انہیں عوامی سطح پر بدنام کرنے کا سبب بنے۔ہ وہ ایک سینئر سیاستدان، سابق وفاقی وزیر اور موجودہ رکنِ قومی اسمبلی ہیں، جنہیں عوامی فلاح و بہبود اور سیاسی خدمات کے باعث وسیع پیمانے پر عزت کی نگاہ سے دیکھا جاتا ہے۔ وہ پاکستان تحریکِ انصاف کے مرکزی سیکرٹری سمیت متعدد اہم عہدوں پر فائز رہ چکے ہیں۔
مدعی نے مؤقف اختیار کیا کہ فواد حسین کے الزامات نے نہ صرف ان کی نجی و سیاسی زندگی کو متاثر کیا بلکہ ان کی جماعت اور حلقہ انتخاب میں بھی ان کے خلاف غلط فہمی پیدا کی۔شیخ وقاص اکرم نے عدالت سے استدعا کی ہے کہ اُنہیں انصاف فراہم کیا جائے اور مدعا علیہ کو ہرجانے کی ادائیگی کا پابند بنایا جائے۔
