شیخوپورہ:دیرینہ دشمنی، دو حقیقی بھائی قتل،ملزمان موقع واردات سے فرار
باغی ٹی وی:شیخوپورہ (محمد طلال سے) فیروزوٹواں نواحی قصبہ بھکھی میں دیرینہ دشمنی کی بناء پر دو حقیقی بھائی قتل ملزمان موقع واردات سے فرار
تفصیلات کے مطابق گزشتہ روز صبح سات اور آٹھ کے درمیان ملزمان بابر گجر،عرفان گجر، عمران گجر پسران محمد شریف گجر،ہیرا گجر ولد شوکت گجر،رمضان عرف جانو ولد مہدی گجر ساکنان بھکھی مسلح پسٹل بسواری 2 موٹر سائیکل ہنڈا 125 حویلی ملک عبدالغفار و ملک شہباز واقع بھکھی میں داخل ہوئے اور وہاں پر موجود پانچ افراد پر اندھا دھند فائرنگ کردی ملزمان فائرنگ ملک شہباز اور ملک عبدالغفار پر سیدھی فائرنگ کی جس سے وہ موقع پر قتل ہوگئے جبکہ حویلی میں موجود دیگر افراد نے بھاگ کر اپنی جانیں بچائیں ملزمان موقع واردات سے فائرنگ کرتے ہوئے فرار ہوگئے پولیس اور دیگر اداروں نے موقع پر پہنچ کر نعشوں کو تحویل میں لے کر ڈسٹرکٹ ہیڈ کوارٹر ہسپتال شیخوپورہ منتقل کردیا اور وقوعہ کی ایف آئی آر درج کرلی ہے اور ملزمان کی گرفتاری کےلیے چھاپے مارے جارہے ہیں۔
