شبلی فرازکوعہدے کے استعمال سے روکنے سے متعلق درخواست پر کب ہو گی سماعت؟
باغی ٹی وی کی رپورٹ کے مطابق لاہورہائیکورٹ میں شبلی فرازکوعہدے کے استعمال سے روکنے سے متعلق درخواست سماعت کے لئے مقرر کر دی گئی
لاہور ہائیکورٹ کے جسٹس شجاعت علی خان 22 مارچ کو درخواست پرسماعت کریں گے ،درخواست گزار نے کہا کہ شبلی فرازنےدوبارہ سینیٹرمنتخب ہونےکےبعدوزارت کادوبارہ حلف نہیں اٹھایا،شبلی فراز سے بطور وفاقی وزیر کام جاری رکھنے سے متعلق وضاحت طلب کی جائے،
واضح رہے کہ شبلی فراز وفاقی وزیر اطلاعات تھے، تحریک انصاف نے انہیںسینیٹ کا ٹکٹ دیا، سینیٹ کا رکن منتخب ہونے کے بعد تاحال شبلی فراز نے وفاقی وزیر کا حلف نہیں اٹھایا، ابھی حکومت کے پاس کوئی وفاقی وزیر اطلاعات نہیں ہے، گزشتہ کابینہ اجلاس کے بعد وفاقی وزیر فواد چودھری اور حماد اظہر نے میڈیا کو بریفنگ دی تھی
دوسری جانب اطلاعات ہیں کہ وزیراعظم عمران خان وفاقی کابینہ میں تبدیلیاں کرین گے، شبلی فراز کو دوبارہ وزیر بنائے جانے کا امکان ہے،جبکہ فیصل واوڈا کو بھی دوبارہ وزارت ملنے کا امکان ہے
