پیپلز پارٹی کے چیئرمین بلاول زرداری ے بین الاقوامی دن برائے اسلامو فوبیا کے موقع پر اپنے بیان میں کہا کہ "ہمیں مسلمانوں کے خلاف بڑھتی ہوئی عدم برداشت اور امتیاز کا مقابلہ کرنا ہوگا۔ کوئی بھی معاشرہ ایسی تعصب کو نظر انداز کرتے ہوئے جمہوریت کو قائم نہیں رکھ سکتا۔ اسلامو فوبیا صرف نفرت نہیں ہے بلکہ یہ عالمی امن اور ہم آہنگی کے لیے ایک سنگین خطرہ ہے۔”
بلاول بھٹو زرداری نے یاد دلایا کہ مارچ 2023 میں پاکستان نے اقوام متحدہ کی جنرل اسمبلی کے صدر اور اقوام متحدہ کے سیکرٹری جنرل کے ساتھ مل کر اسلامو فوبیا کے خلاف ایک اہم عالمی تقریب کا انعقاد کیا۔ اس تقریب میں مسلمانوں کے خلاف نفرت انگیز تقاریر اور مذہب پر مبنی امتیاز کے خلاف قانونی کارروائی کی حمایت کی گئی۔انھوں نے کہا کہ "او آئی سی کے سی ایف ایم کے چیئرمین کی حیثیت سے ہم نے پہلی بار ‘مسلمان خواتین’ کے بارے میں ایک تقریب کا انعقاد کیا۔ اس کا مقصد مسلم خواتین کے حوالے سے پھیلائے جانے والے غلط فہمیوں کا چیلنج کرنا اور ان کی کامیابیوں کا جشن منانا تھا۔”
بلاول بھٹو زرداری نے مزید کہا کہ "ہمیں آزادیوں کا دفاع کرنا ہوگا، عبادت گاہوں کی حفاظت کرنی ہوگی، نفرت کو مسترد کرنا ہوگا اور خوف کی جگہ اتحاد کو فروغ دینا ہوگا۔”انھوں نے اسلامو فوبیا کے خاتمے کے لیے عالمی سطح پر مزید اقدامات کی ضرورت پر زور دیا اور اس دن کی اہمیت کو اجاگر کرتے ہوئے کہا کہ #EndIslamophobia مہم کو کامیاب بنانے کے لیے عالمی سطح پر تمام ممالک کو مل کر کام کرنا ہوگا۔
