وفاقی وزیر برائے انفارمیشن ٹیکنالوجی شزا فاطمہ خواجہ نے گوگل کے ریجنل اے آئی ڈیولپر ایکو سسٹم اینڈ کمیونٹیز ٹیم سے ملاقات کی-
ملاقات کا مقصد پاکستان میں اے آئی کے شعبے کو فروغ دینے کے لیے اسٹریٹجک تعاون کے مواقع تلاش کرنا تھا، پالیسی گفتگو کے دوران وفاقی وزیر نے حکومت کی تین اہم شعبوں (اسکول سے لے کر یونیورسٹی تک تعلیم، ورک فورس ڈویلپمنٹ بشمول فری لانسرز، اور صنعتی جدت)، میں اے آئی تربیت پر اسٹریٹجک توجہ پر زور دیا۔
ملاقات کے دوران وزیر ٹیکنالوجی نے اے آئی سیکھو پروگرام، سینڈ باکس ماحولیات اور کلاؤڈ کریڈٹس جیسے ٹولز تک جامع رسائی کی ضرورت پر بھی زور دیادوسری جانب، گوگل ٹیم نے خطے میں اپنے ڈیولپر ایکو سسٹم کا جائزہ پیش کیاجس میں گوگل ڈیولپر گروپس، کمیونٹی پر مبنی اے آئی اقدامات، اور تعلیم آباد جیسے با اثر پلیٹ فارمز کی خدمات کو اجاگر کیا گیا۔
خیبر پختونخوا میں تبدیلی کی خواہش، مگر پی ٹی آئی اکثریت میں ہے، مولانا فضل الرحمان
شزا فاطمہ نے گوگل اور وزارت آئی ٹی و ٹیلی کمیونیکیشن کے درمیان گہرے تعاون اور پاکستان کو عالمی اے آئی ایکو سسٹم میں مؤثر طریقے سے شامل کرنے کی ضرورت پر زور دیا۔
رواں، ہفتے پاکستانی پلیٹ فارم ایس او سی بائٹ نے ملک کا پہلا اے آئی پاورڈ سائبر سیکیورٹی پروگرام شروع کیا، جس کا مقصد پیشہ ور افراد کو اہم معلومات فراہم کرنا ہےگزشتہ ہفتے منصوبہ بندی کے وزیر احسن اقبال نے قومی ترقیاتی حکمت عملی میں اے آئی کو شامل کرنے کی ضرورت پر زور دیاانہوں نے جدت طرازی کے خیالات اور پائلٹ منصوبوں کے لیے مالی معاونت فراہم کرنے کے لیے قومی اے آئی فنڈ کے قیام کا اعلان کیا۔
بدعنوانی کے خاتمے کیلئے سخت اور بے مثال فیصلے کیے گئے،وزیراعظم
جون میں، وزارت تعلیم اور گوگل نے تعلیم تک رسائی کو بہتر بنانے اور لرننگ کے لیے ڈیجیٹل ایکو سسٹم کی ترقی کے لیے ایک ’اسٹریٹجک تعاون‘ کا اعلان کیا تھامارچ میں سندھ حکومت نے گوگل اور ٹیک ویلی کے تعاون سے پبلک سیکٹر یونیورسٹیوں کے لیے 30 ہزار سے زائد گوگل کیریئر سرٹیفیکیٹ اسکالرشپس کا اعلان کیا تاکہ صوبے بھر کے نوجوانوں کو عالمی سطح پر تسلیم شدہ ڈیجیٹل مہارتیں فراہم کی جا سکیں۔
