اسلام آباد : پاکستان عوامی مسلم لیگ کے سربراہ شیخ رشید نے انڈیا سے جیتا ہوا میچ ہارنے پر قومی ٹیم پر شدید تنقید کرتے ہوئے کہا کہ آج افسوس کا دن ہے، یہ ٹیم خواجہ سراؤں کے ساتھ کھیلتے تو بھی ہار جاتے، پاکستان میں لوگوں کے جزبات مجروح ہوتے ہیں۔
باغی ٹی وی : اسلام آباد کی ڈسٹرکٹ کورٹ کے باہر میڈیا سے گفتگو کرتے ہوئے سابق وزیر داخلہ شیخ رشید نے کہا کہ تمام وکلاء کو سلام پیش کرتا ہوں جو میرا کیس لڑ رہے ہیں، آج افسوس کا دن ہے، یہ ٹیم خواجہ سراؤں کے ساتھ کھیلتے تو بھی ہار جاتے، پاکستان میں لوگوں کے جزبات مجروح ہوتے ہیں۔
شیخ رشید نے کہا کہ ملک میں عدم اعتماد منی لانڈرنگ سے ہوا ہے، منی لانڈرنگ کے پیسوں سے پی ٹی آئی کی حکومت کے خلاف عدم اعتماد ہوا، بینظیر شہید بہتر تھی جس نے پہلے مہینے ہی ہمیں 7 سال قید دے دی تھی، یحیی خان کا کورٹ مارشل اچھا تھا، جس نے ایک سال قید اور 20 کوڑے لگا دیئے تھے، پی ٹی آئی کے ورکرز کے پاس 2 ہزار روپے دینے کو نہیں ہیں، فارم 45 اور 47 کی لڑائی گھڑے میں لے کر جائے گی، معیشت کی تباہی انہیں مزید گھڑے میں لے کر جائے گی۔
ٹی ٹوئنٹی ورلڈ کپ:بھارت نے پاکستان کو 6 رنز سے شکست دیدی
انہوں نے کہا کہ عالیہ حمزہ اور صنم جاوید کو جیلوں میں گھما کر زیادتی کی جا رہی ہے، میں آرمی چیف سے مطالبہ کرتا ہوں کہ عام معافی کا اعلان کر دیا جائے، موجودہ حکومت کی حیثیت گنگو تیلی سے زیادہ نہیں ہے، لوگ کسیز کی شکل میں مرگئے ہیں، سب بے گناہوں کو عام معافی ملنی چاہیئے۔
