اسلام آباد: عدالت نے عوامی مسلم لیگ کے سربراہ شیخ رشید کی درخواست پر فیصلہ محفوظ کر لیا-
باغی ٹی وی:جوڈیشل مجسٹریٹ احمد شہزاد گوندل کی عدالت میں شیخ رشید کی درخواست کی سماعت ہوئی جس میں شیخ رشید احمد کے وکیل سردار عبدالرازق ایڈووکیٹ عدالت میں پیش ہوئے سردار عبدالرازق نے کہا کہ ایس ایچ او شفقت فیض سپرداری آرڈرز کے باوجود شیخ رشید کی دو بلٹ پروف گاڑیاں واپس نہیں کررہا،اگر ایس ایچ او کی شان میں گستاخی نہ ہو تو اسے عدالت میں طلب کرکے وضاحت طلب کریں ،کیا ایس ایچ او عدالت ، آئین اور قانون سے بڑا ہے کہ وہ عدالتی احکامات اور آئین و قانون کا مذاق بنا رہا ہے گاڑیاں گزشتہ ڈیڑھ ماہ سے پولیس کی غیر قانونی تحویل میں ہیں-
منی لانڈرنگ کیس: وزیراعظم شہباز شریف کے صاحبزادے سلیمان شہبازسمیت دیگر بری
وکیل شیخ رشید سردار عبدالرازق نے کہا کہ ایس ایچ او نے سپر داری احکامات کی تعمیل کرنے کے بجائے سائل کے ضامن کو گرفتار کر کے چھ گھنٹے تک محبوس رکھا اور دھمکیاں دیں کہ تم نے شیخ رشید کی ضمانت کیوں دی ایس ایچ او کے خلاف مقدمہ درج کرنے کا حکم دیا جائے اور اس کی تنخواہ بند کرنے کے علاوہ بھاری جرمانہ کیا جائے عدالت نے ابزرویشن دی کہ آج ہی ایس ایچ او کو طلب کرکے وضاحت مانگوں گا ، بعد ازاں عدالت نے فیصلہ محفوظ کر دیا-
