جھل مگسی:مکران ڈویژن کو صوبائی کابینہ میں نمائندگی دی جائے، میر شعیب گاجی زئی

جھل مگسی، باغی ٹی وی (نامہ نگاررحمت اللہ بلوچ)مکران ڈویژن کو صوبائی کابینہ میں نمائندگی دی جائے، میر شعیب گاجی زئی
تفصیل کے مطابق پاکستان مسلم لیگ (ن) ضلع کیچ پی بی 26 تربت سٹی 2 سے پارٹی ٹکٹ ہولڈر میر شعیب احمد گاجی زئی نے اپنے بیان کہا کہ ہم قائد مسلم لیگ میاں محمد نواز شریف سے پرزور اپیل کرتے ہیں کہ مکران ڈویژن کو صوبائی کابینہ میں نمائندگی دی جائے

مسلم لیگ ن کے ایم پی اے میر حاجی برکت رند کو اچھی وزارت وزارت کا قلم دان سونپا جائے تاکہ مکران میں مسلم لیگ مزید منظم ہو سکے کیونکہ مکران ڈویژن کی عوام کو ہر دور میں پسماندہ رکھا گیا ہے۔

مکران میں فیڈریشن سیاست کرنا آسان کام نہیں ہے ،انہوں نے مزید کہا کہ مکران کے مسلم لیگی کارکنان سر پر کفن باندھ کر مسلم لیگ نواز پاکستان کی استحکام کے لیے شب و رزو محنت کرتے ہیں اگر صوبائی کابینہ میں مکران نظر انداز کیا گیا تو اس عمل سے جو نظریاتی کارکنان ہیں ان میں مایوسی پیدا ہوگی اور عوام سے برداشت نہیں کیا جائے گا

مکران مسلم لیگی کارکنوں کی گڑھ ہے، مکران کی عوام قائد مسلم لیگ میاں محمد نواز شریف سے دلی محبت کرنے والے لوگ ہیں مسلم لیگی کارکنان کی پیش کردہ مشترکہ اپیل کو منظور کرکے ہر ڈویژن میں ایک وزارت مسلم لیگ نواز کودی جائے جس سے پارٹی مضبوط ومستحکم ہوگی .