پاکستان تحریک انصاف کے سینیٹر اور سابق وفاقی وزیر خزانہ شوکت ترین نے قومی احتساب بیورو کے خلاف درخواست واپس لینے کے لیے سپریم کورٹ میں اپیل دائر کردی۔ شوکت ترین کے خلاف نیب ریفرنس کے معاملے میں پی ٹی آئی سینیٹر نے سپریم کورٹ میں اپیل دائر کی ہے۔
سابق وزیر خزانہ نے اپیل میں موقف اختیار کیا کہ 2014ء میں نیب نے میرے خلاف قومی خزانے کو نقصان پہنچانے کا ریفرنس دائر کیا۔انہوں نے کہا کہ 30 جون 2020ء کو احتساب عدالت ریفرنس میں بری کرنے کا حکم دے چکی ہے۔شوکت ترین نے موقف اختیار کیا کہ ریفرنس میں بری ہونے کے بعد سپریم کورٹ سے درخواست واپس لیتا ہوں۔
یاد رہے کہ سپریم کورٹ نے سابق وزیر خزانہ شوکت ترین کیخلاف رینٹل پاور منصوبے میں مبینہ کرپشن کیس سماعت کیلئے مقرر کردیا ،چیف جسٹس عمر عطاء بندیال کی سربراہی میں جسٹس عائشہ ملک پر مشتمل دو رکنی بنچ کل کیس کی سماعت کرے گا۔
