امریکی ریاست کیلیفورنیا کے شہر اسٹاکٹن میں ایک خاندانی تقریب کے دوران فائرنگ کے نتیجے میں 4 افراد ہلاک اور 14 زخمی ہوگئے۔ پولیس کے مطابق افسوسناک واقعہ بچے کی سالگرہ کی پارٹی کے دوران پیش آیا۔
برطانوی خبر رساں ادارے رائٹرز کے مطابق فائرنگ کا واقعہ اسٹاکٹن کے شمالی علاقے میں ہفتے کی رات پیش آیا۔ اسٹاکٹن کے نائب میئر جیسن لی نے بتایا کہ وہ واقعے کی مکمل تفصیلات معلوم کرنے کے لیے حکام سے رابطے میں ہیں اور جلد حقائق سامنے لائے جائیں گے۔پولیس کے مطابق فائرنگ کی اطلاع شام 6 بجے کے قریب ملی۔ سان جواکین کاؤنٹی شیرف آفس نے بتایا کہ تقریباً 14 افراد کو گولیاں لگیں جن میں سے 4 موقع پر دم توڑ گئے۔
ابتدائی تحقیقات کے مطابق واقعہ ٹارگٹڈ لگتا ہے، تاہم مکمل تفتیش جاری ہے۔ مقامِ وقوعہ کو سیل کر دیا گیا ہے اور تفتیشی ٹیمیں شواہد جمع کر رہی ہیں۔پولیس نے مزید بتایا کہ واقعے سے متعلق معلومات فی الحال محدود ہیں اور حملہ آور کے بارے میں ابھی کوئی تفصیلات جاری نہیں کی گئیں
نیتن یاہو کی کرپشن کیس میں صدر سے معافی کی درخواست
چاغی میں افغان مہاجرین کا کیمپ خالی، تمام افراد افغانستان منتقل
اسحٰق ڈار سے چینی سفیر کی ملاقات، علاقائی امور پر تبادلۂ خیال
