شوکت ترین کیخلاف پیکا قانون کے تحت مقدمہ درج

ایف آئی اے سائبر کرائم ونگ نے سابق وزیرخزانہ شوکت ترین کیخلاف مقدمہ درج کرلیا۔

باغی ٹی وی: شوکت ترین کیخلاف پیکا قانون کے تحت مقدمہ درج کیا گیا،ایف آئی آر کے مطابق آئی ایم ایف پروگرام کو ناکام کرنے کیلئے شوکت ترین نے پنجاب اور خیبر پختونخوا کے وزرائے خزانہ کو کال کی-
FIR 42 2023 (2)
ایف آئی اے کے مطابق شوکت ترین کی گفتگو آئی ایم ایف ڈیل کو نقصان پہنچانے کیلئے تھی،شوکت ترین قومی مفادات اور سیکیورٹی کو نقصان پہنچانا چاہتے ہیں –

خاتون جج دھمکی کیس: عمران خان کے وارنٹ گرفتاری جاری کرنے کی استدعا مسترد

واضح رہے کہ کچھ عرصہ قبل شوکت ترین کی آئی ایم ایف سے تعاون نہ کرنے کے حوالےسے آڈیو لیک وائرل ہوئی تھی جس میں وہ پنجاب اورخیبرپختونخوا کے اس وقت کے وزرائے خزانہ سے بات کر رہے تھے،وفاقی حکومت نے شوکت ترین کی آڈیو لیک کی تحقیقات کیلئے معاملہ ایف آئی کو بھجوایا تھا-

یاد رہے کہ وفاقی وزیر داخلہ رانا ثنا اللہ نے کتھا کہ آڈیو لیک کی تحقیقات مکمل ہونے کے بعد حکومت نے ایف آئی اے کو شوکت ترین کو گرفتار کرنے کی اجازت دے دی ہے

پی ایس ایل 8: سکیورٹی کے لیے فوج اور رینجرز تعینات کرنےکی منظوری

کراچی میں میڈیا سے گفتگو کرتے ہوئے رانا ثنا اللہ نے کہا تھا کہ شوکت ترین عمران خان کے بہکاوے میں آگئے تھے، ایف آئی اے نے آڈیو لیک کی تحقیقات مکمل ہونے کے بعد سابق وزیر خزانہ کی گرفتاری کی اجازت مانگی جو حکومت نے دے دی۔ وفاقی وزیرداخلہ نے کہا کہ ادارے عمران خان کے خلاف بھی تحقیقات کررہے ہیں اور عنقریب ان کی گرفتاری کا مرحلہ بھی آنے کو ہے۔عمران خان نیازی کی چوریاں پکڑی گئی ہیں ثبوت بھی موجود ہے عدالتیں فیصلہ بھی کریں گی بہت جلد عمران خان کی گرفتاری بھی ہوسکتی ہے ۔