fbpx

شوبز شخصیات نے رائلٹی کی ادائیگی کیلئے آواز اٹھا دی

پاکستان شوبز کے فنکار بھی ٹیلی ویژن پر ڈراما کی دوبارہ نشریات پر فنکاروں کو معاوضہ دینے سے متعلق آواز اٹھانے والی نائلہ جعفری کی حمایت میں بول پڑے-

باغی ٹی وی : اداکاروں کا یہ پیغام ایسے وقت میں سامنے آیا جب نامور اداکارہ نائلہ جعفری نے اسپتال سے ایک ویڈیو پیغام جاری کیا جس میں انھوں نے یہ اپیل کی تھی کہ انھیں ان کے ڈراما میں سے معاوضہ بطور حق ادا کیا جائے تاکہ وہ خود کو لاحق کینسر کے مرض کا علاج کرواسکیں۔

اداکارہ کا کہنا تھا کہ جب میں نے پی ٹی وی جوائن کیا تو ہمیں دوبارہ نشر کیے جانے والے شوز کی رائلٹی ملا کرتی تھی، اگرچہ یہ پیسے بہت کم ہوتے تھے لیکن اس کے باوجود ہمیں خوشی ہوتی تھی۔

ان کی ویڈیو منظر عامر پر آنے کے بعد سندھ کے وزیر ثقافت سردار علی شاہ نے نائلہ جعفری کا علاج سندھ حکومت کے خرچے پر کروانے کا اعلان کیا تھا۔

بعد ازاں سینیٹر فیصل جاوید خان کی جانب سے بھی شوبز انڈسٹری کے لیے قانون سازی کرنے کا اعلان کیا گیا-

فیصل جاوید خان نے رواں ماہ 12 اپریل کو ٹوئٹر پر اپنی دو سلسلہ وار ٹوئٹس میں بتایا تھا کہ وہ پاکستان میں ڈراما و فلم پروڈیوسرز کی جانب سے فنکاروں کو کم معاوضہ یا ڈراموں یا فلموں کے دوبارہ نشر کیے جانے پر انہیں دوبارہ معاوضہ نہ دیے جانے کے مسائل کو حل کرنے کے لیے قانون سازی پر کام کر رہے ہیں۔

انہوں نے کہا تھا کہ وہ اس سنگین مسئلے کو حل کرنے کے لیے قانون سازی کرنے میں مصروف ہیں اور وہ متعلقہ معاملے پر اسٹیک ہولڈرز سے بھی رابطے میں ہیں جلد ہی وہ فنکاروں کو ان کے حقوق دلانے کا قانون سامنے لائیں گے، جس سے فنکاروں کا دیرینہ مسئلہ حل ہوجائے گا اور وہ بہتر معاوضہ حاصل کریں گے۔

خیال رہے کہ گزشتہ چند سال سے مختلف شوبز شخصیات پرانے ڈراموں یا فلموں کو دوبارہ نشر یا ریلیز کرنے پر فنکاروں کو بھی دوبارہ معاوضہ دینے کا مطالبہ کرتے آ رہے ہیں جن میں میکال ذوالفقار ، یاسر حسین اور نائلہ جعفری سر فہرست ہیں-

تاہم اور اب عمران عباس اور منال خان سمیت دیگر شوبز شخصیات کی جانب سے رائلٹی کی ادائیگی کیلئے آوازیں اٹھنا شروع ہوگئی ہیں

فوٹوز اینڈ ویڈیوز شیئرنگ ایپ انسٹاگرام اکاؤنٹس پر پاکستانی فلم اور ڈرامہ انڈسٹری کے فنکاروں نے سادہ لیکن پُرزور انداز میں ایک پیغام کے ذریعے نائلہ کی آواز سے آواز ملائی۔

انھوں نے اپنی انسٹاگرام پوسٹ میں ایک نوٹ صرف #GiveRoyaltiesToArtists کے ساتھ شیئر کرتے ہوئے پروڈکشن ہاؤسز اور ٹی وی چینلز سے رائلٹی دینے کا مطالبہ کیا ہے۔

جن میں احمد علی بٹ ، مہوش حیات ،ماہرہ خان ، ہمایوں سعید ، اقراعزیز ، یمنیٰ زیدی ، زاہد احمد، عائشہ عمر، مایا علی ، یاسر نواز، فیصل قریشی م کبریٰ خان، اعجاز اسلم ،جنید خان ،صبا فیصل ، ثروت گیلانی، رمشا خان، ارمینہ خان،سمی راحیل ، حاجرہ یامین ،سمیع خان ، شہزاد شیخ ،مومل شیخ ، مشال خان،صحیفہ جبار ، عائزہ سموں ،جگن کاظم ، عتیقہ اوڈھو ،نازش جہانگیر ، محسن عباس حیدر، صنم جنگ، زرمش خان،حبا بخاری ، منشا پاشا ،اشنا شاہ اور عثمان خالد بٹ سمیت دیگر شامل ہیں-

کینسر کا شکار نائلہ جعفری کی وائرل ویڈٰیو پر شوبز فنکاروں کا رد عمل

سندھ حکومت کا کینسر کا شکار نائلہ جعفری کی مالی معاونت کا اعلان

شوبز شخصیات کے معاوضوں پر قانون سازی کے اعلان کے بعد فنکار فیصل جاوید مشکور

دوبارہ نشریات پرفنکاروں کومعاوضہ دینےکامعاملہ :عمران عباس اورمنال خان بھی نائلہ جعفری کےساتھ کھڑے ہوگئے

جواب چھوڑیں

آپ کا ای میل ایڈریس شائع نہیں کیا جائے گا.