پاکستانتازہ ترین

پاکستانی شوبز ستاروں کی کراچی کنگز کو چیمپئن بننے پر مبارکباد

5 سال قبل
5 سال قبل

پاکستان سپر لیگ 5 کا پلے آف، فائنل کل کھیلا گیا جس میں کراچی کنگز اور لاہور قلندرز کے درمیان میچ کو لے کر جہاں کھلاڑی پر جوش تھے وہیں پاکستانی عوام اور پاکستان شوبز انڈسٹری کے ستارے بھی سوشل میڈیا پر کافی متحرک نظر آرہے تھے اور اپنی اپنی پسندیدہ ٹیم کو سپورٹ کر رہے تھے –

باغی ٹی وی : پاکستان سپر لیگ کے فائنل کو پاکستان سمیت دنیا بھر میں کرکٹ کے شائقین نے بھرپور انجوائےکیا ساتھ ہی شوبز شخصیات نے بھی میچ دیکھا اور نتیجے پر جیتی ہوئی ٹیم کو مبارکباد دی اور ساتھ ہی لاہور قلندر کی بھی کارگردگی کو سراہا-


اداکارہ مہوش حیات نے اپنے ٹویٹ میںHBLPSLV #( پی ایس ایل) کے فائنل کو سنسنی خیز قرار دیتے ہوئے کراچی کنگز کو جیت پر مبارک باد دی۔

انہوں نے لکھا کہ کراچی کنگز کی جانب سے آنجہانی کوچ ڈین جونز کو میچ جیت کر زبردست خراج تحسین پیش کیا گیا۔


اداکار عدنان صدیقی نے بھی خوشی کا بھر پور اظہار کرتے ہوئے کراچی کنگز کو جیت پر پنارکباد پیش کی اور میچ میں بابر اعظم کی کارگردگی کو سراہا-


اداکار ہمایوں سعید نے ٹوئٹر پر میچ کے دوران عدنان صدیقی اور اعجاز اسلم کے ساتھ لی گئی تصویر اور کراچی کنگز کی ٹرافی کے ساتھ جسشن مناتے ہوئے تصویر کا کولاج شئیر کیا اور اے آر وائے کے چئیرمین کو اور کراچی کنکز کے ٹیم کو مبارکباد دیتے ہوئے اللہ کا شکر ادا کیا-


پاکستان کے معروف اداکار و گلوگار علی ظفر نےٹوئٹر پر کراچی کنگز کو چیمپئن بننے پر مبارکباد دی لکھا لاہوریو بھائی بھی لاپوری ہے لیکن پیشن گوئی تو پیش گوئی ہوتی ہے اس میں جذباک کا کوئی عمل دخل نہیں ہوتا پی ایس ایل کے پچھلے 4 سیزنز کو بھی چیک کر لو سب سے اہم بات ہم سب پاکستانی ہیں زندگی انجوائے کرو-


گلوگار علی ظفر نے ایک اور ٹوئٹ میں کراچی کنگز کو چیمپئن بننے پر مبارکباد دی اور لاہور قلندرز کی بھی فائنل تک پہنچنے پر تعریف کی۔


پاکستان کے نوجوان گلوکار عاصم اظہر نے اپنے ٹوئٹ میں کراچی کنگز کی جیت پر خوشہ کا اظہار کرتے ہوئے لکھا کہ پاکستان میں پہلی بار ہمیں مکمل طور پر ایسا حیرت انگیز پی ایس ایل دینے پر اور پاکستان میں کرکٹ کی بہت سی تقریبات پر ہر کرکٹر ، ٹیم اور پورے عملے کا شکریہ ادا کرتے ہوئے کراچی کنگز کو چیمپئین بننے پر مبارکباد دی-

علاوہ ازیں عاصم اظہر نے اور لاہور قلندرز کی بھی کاگردگی کی تعریف کی۔


اعجاز اسلم نے بھی میچ کے دوران ساتھی اداکاروں کے ہمراہ لی گئیں تصا ویر شئیر کرتے ہوئے کراچی کنگز کو چیمئین بننے پر مبارکباد دی-


فخر عالم نے بھی اپنے ٹوئٹ میں کنگز کے جیت کی خوشی میں کی جانے والی فائر ورک کی ویڈیو شئیر کی اور چئیرمین کراچی کنگز ، وسیم اکرم ، عماد وسیم اور بابر اعظم کو ٹیگ کرتے ہوئے کراچی کنگز کی پوری ٹیم کو مبارکباد اور آنجہانی کوچ ڈین جونز کو بھی خراج تحسین پیش کیا-


اپنے ایک اور ٹوئٹ میں فخر عالم نے کراچی کنگز کی پوری ٹیم کی جیتی گئی ٹرافی کے ساتھ لی گئی تصاویر شئیر کرتے ہوئے مبارکباد دی-

اس کے علاوہ دنیا بھر میں کرکٹ شائقین نے کراچی کنگز کو مبارک باد دی اور لاہور قلندرز کی بھی تعریف کی۔

ٹیگز:
زمرہ جات:
پاکستانتازہ ترینشوبزکراچیکھیل
Shares:

مزید خبریں