سیالکوٹ (باغی ٹی وی، بیوروچیف شاہد ریاض)ڈمپر کی موٹرسائیکل کو ٹکر، ماں بیٹا موقع پر جاں بحق
سیالکوٹ کے علاقے کوکالا ایجنسی، نواں پینڈ کے قریب ایک دلخراش ٹریفک حادثہ پیش آیا جہاں تیز رفتار ڈمپر نے موٹرسائیکل کو پیچھے سے ٹکر مار دی، جس کے نتیجے میں ماں بیٹا موقع پر ہی جاں بحق ہو گئے۔
جاں بحق افراد کی شناخت 20 سالہ ابو بکر اور ان کی 45 سالہ والدہ جمیلہ کے طور پر ہوئی ہے، جو اکبرآباد چوک سے پسرور روڈ کی طرف جا رہے تھے۔ حادثے کے بعد ڈمپر ڈرائیور موقع سے فرار ہو گیا۔
ریسکیو 1122 نے جائے وقوعہ پر پہنچ کر لاشوں کو ضروری کارروائی کے بعد قریبی اسپتال منتقل کر دیا۔ پولیس نے مقدمہ درج کر کے ڈمپر ڈرائیور کی تلاش شروع کر دی ہے۔
