سیالکوٹ:ڈکیت گینگ سرغنہ و دیگرمقدمات میں مطلوب 7 ملزمان گرفتار

سیالکوٹ،باغی ٹی وی ( شاہد ریاض سٹی رپورٹر )سی آے اے پولیس نے ڈکیتی کی وارداتوں میں ملوث عثمان عرف نومی گینگ کے سرغنہ اور دیگر 2 مقدمات میں مطلوب 2 ملزمان سمیت 7 ارکان کو گرفتار کر لیا، لاکھوں روپے مالیتی مال مسروقہ، 10لاکھ سے زائد نقدی ، 3موٹر سائیکلیں، 5قیمتی موبائل فونز اور اسلحہ ناجائز برآمد۔

ڈی پی او سیالکوٹ محمد حسن اقبال کی ہدایت پر سیالکوٹ پولیس نے جرائم پیشہ عناصر کے خلاف کریک ڈاؤن جاری کر رکھا ہے اس سلسلہ میں ڈی ایس پی CIA رانا محمود الحسن نے ٹیم کے ہمراہ کاروائی عمل میں لاتے ہوئے ڈکیتی کی درجنوں وارداتوں میں ملوث عثمان عرف نومی سرغنہ سمیت 5 افراد جبکہ دیگر دو مقدمات میں مطلوب 2 ملزمان کو گرفتار کر لیا ہے۔ گرفتار ملزمان کی شناخت. 1. عثمان عرف نومی ولد امجد سکنہ سرنگیاں2. طاہر نواز عرف حسن ولد شاہ نواز سکنہ سرنگیاں 3. علی رضا عرف رجو ولد عظمت سکنہ سرنگیاں4. علی احمد ولد مشتاق سکنہ کوٹلی باوا فقیر چند5. معظم ولد ارشد سکنہ کوٹلی باوا فقیر چند6. ساجد 7.بلال

دوران تفتیش ملزمان کے قبضہ سے لاکھوں روپے مالیتی مال مسروقہ، 10لاکھ سے زائد نقدی ، 3موٹر سائیکلیں، 5قیمتی موبائل فونز اور وارداتوں میں استعمال ہونے والا اسلحہ پسٹل 5 عدد معہ متعدد گولیاں برآمد ہوئی ہیں۔

گرفتار ملزمان سے مزید تفتیش جاری ہے. جن سے مزید برآمدگی عمل میں لائی جائے گی