سیالکوٹ (باغی ٹی وی، ڈسٹرکٹ رپورٹر مدثر رتو)علامہ اقبال سکول سسٹم اور سیالکوٹ فارما ایسوسی ایشن کے اشتراک سے ایک فری میڈیکل کیمپ کا انعقاد کیا گیا، جس میں طلباء و طالبات کا جسمانی اور ذہنی معائنہ کیا گیا اور انہیں بی ایم آئی کے مطابق مفت ادویات فراہم کی گئیں۔
کیمپ میں ڈاکٹر ایمن عرفان (ہولی فیملی ہسپتال، راولپنڈی) اور ڈاکٹر عرفان نے طلباء کا معائنہ کیا جبکہ سیالکوٹ فارما ایسوسی ایشن کی ٹیم صدر حاجی محمد زبیر کی سربراہی میں موجود رہی۔
چئیرمین علامہ اقبال سکول سسٹم، ایم عابد ایڈووکٹ نے کہا کہ بچوں کی جسمانی اور روحانی صحت کے لیے ضروری ہے کہ وقتاً فوقتاً ان کا طبی معائنہ کیا جائے تاکہ ذہنی اور جسمانی نشوونما بہتر ہو۔
صدر سیالکوٹ فارما ایسوسی ایشن، حاجی محمد زبیر نے کہا کہ دکھی انسانیت کی خدمت ہمارا نصب العین ہے اور ایسوسی ایشن ہر وقت اور ہر جگہ اس کے لیے کوشاں ہے۔
اس موقع پر بنیادی حقوق کمیشن پاکستان کے کنوئینر پنجاب ملک حسن رزاق، پرنسپل کری ایٹو سکول حامد بسرا، اور چوہدری عثمان سندھو (ٹی ایم اے سیالکوٹ) نے بھی میڈیکل کیمپ کا وزٹ کیا۔
