سیالکوٹ،باغی ٹی وی(بیوروچیف شاہدریاض) اینٹی کرپشن ٹیم کی بڑی کارروائی، شاکر نامی شہری سے 40 ہزار روپے رشوت لینے والا اے ایس آئی عرفان رنگے ہاتھوں گرفتار، نشان زدہ نوٹ برآمد کر کے ملزم کو ہتھکڑی لگا دی گئی۔
تفصیلات کے مطابق سیالکوٹ میں اینٹی کرپشن سرکل افسر ملک ندیم منور اور سول جج نے مشترکہ کارروائی کرتے ہوئے اے ایس آئی عرفان کو رشوت لیتے ہوئے موقع پر گرفتار کر لیا۔ اینٹی کرپشن حکام کے مطابق ملزم نے شاکر نامی شہری سے گاڑی کی سپرداری کے بعد 40 ہزار روپے رشوت طلب کی تھی۔
سی او اینٹی کرپشن ملک ندیم کے مطابق چھاپے کے دوران ملزم کے قبضے سے نشان زدہ نوٹ برآمد کر کے اسے فوری ہتھکڑی لگا دی گئی۔ گرفتار اے ایس آئی کو مزید تفتیش کے لیے تھانہ اینٹی کرپشن منتقل کر دیا گیا ہے، جہاں اس کے خلاف مزید قانونی کارروائی عمل میں لائی جائے گی۔
