سیالکوٹ ،باغی ٹی وی (سٹی رپورٹرشاہدریاض)تھانہ صدر سیالکوٹ پولیس نے ڈکیتی اور چوری کی وارداتوں میں ملوث آسو ڈکیت گینگ کے سرغنہ سمیت 2 ارکان کو گرفتار کر لیا، لاکھوں روپے مالیتی مال مسروقہ، رقم نقدی 7لاکھ سے زائد، ٹرالی اور اسلحہ ناجائز برآمد۔
ڈی پی او سیالکوٹ محمد حسن اقبال کی ہدایت پر سیالکوٹ پولیس نے جرائم پیشہ عناصر کے خلاف کریک ڈاؤن جاری کر رکھا ہے اس سلسلہ میں ایس ایچ او تھانہ صدر سیالکوٹ انسپکٹر وقاص اکبر نے ٹیم کے ہمراہ کاروائی عمل میں لاتے ہوئے ڈکیتی اور چوری کی درجنوں وارداتوں میں ملوث آصف عرف آسو ڈکیت گینگ کے سرغنہ سمیت 2 افراد کو گرفتار کر لیا ہے۔
گرفتار ملزمان کی شناخت محمد آصف ولد محمد اکرم سکنہ محلہ محال مٹانوالہ اور محمد ارباز ولد شہباز علی سکنہ پونگ نارووال حال مقیم سیالکوٹ ہوئی ہے
دوران تفتیش ملزمان کے قبضہ سے لاکھوں روپے مالیتی مال مسروقہ رقم نقدی 7لاکھ 34 ہزار روپے ،ٹرالی اور وارداتوں میں استعمال ہونے والا اسلحہ پسٹل 1 عدد معہ متعدد گولیاں برآمد ہوئی ہیں۔
گرفتار ملزمان سے مزید تفتیش جاری ہے. جن سے مزید برآمدگی عمل میں لائی جائے گی۔
ڈی پی او سیالکوٹ محمد حسن اقبال نے پولیس ٹیم میں شامل افسران و ملازمان کو آصف عرف آسو گینگ کو گرفتار کرنے پر تعریفی سرٹفیکیٹ اور نقد انعام دینے کا اعلان کیا ہے ۔
