سیالکوٹ،باغی ٹی وی(بیوروچیف شاہد ریاض) تھانہ کینٹ کے علاقے سرفراز پور (چھوٹا مراکیوال) میں لنک روڈ کے قریب کھیتوں سے ایک نوجوان کی لاش برآمد ہوئی ہے، جسے مبینہ طور پر قتل کیا گیا یا قتل کے بعد یہاں لا کر پھینکا گیا۔
پولیس کے مطابق نوجوان کی عمر تقریباً 20 سال کے قریب معلوم ہو رہی ہے، تاہم تاحال اس کی شناخت نہیں ہو سکی۔ سیالکوٹ تھانہ کینٹ پولیس نے لاش تحویل میں لے کر تحقیقات کا آغاز کر دیا ہے، جبکہ وقوعہ کی اصل تفصیلات بھی تاحال سامنے نہیں آ سکی ہیں۔
مقامی ذرائع کے مطابق پولیس مقتول کی شناخت اور قتل کے محرکات جاننے کے لیے مختلف زاویوں سے تفتیش کر رہی ہے۔ علاقے میں خوف و ہراس پھیل گیا ہے، جبکہ شہریوں نے قاتلوں کی جلد گرفتاری کا مطالبہ کیا ہے۔
