سیالکوٹ (باغی ٹی وی بیوروچیف شاہد ریاض) ضلع سیالکوٹ کے سب سے بڑے ہسپتال گورنمنٹ علامہ اقبال ٹیچنگ ہسپتال میں کینٹین کی عدم موجودگی نے مریضوں کے لواحقین کو شدید مشکلات میں مبتلا کر دیا ہے۔
روزانہ ضلع بھر کے مختلف علاقوں سے سینکڑوں افراد علاج اور حادثات کے باعث ہسپتال کا رخ کرتے ہیں۔ مریضوں کے ساتھ آنے والے خواتین، بزرگ اور بچے پانی، چائے اور دیگر بنیادی ضروریات کے لیے ترستے رہتے ہیں۔
کینٹین کی عدم دستیابی کی وجہ سے لواحقین کو معمولی ضروریات پوری کرنے کے لیے ہسپتال سے باہر جانا پڑتا ہے، جس سے انہیں شدید مشکلات کا سامنا کرنا پڑتا ہے۔ عوام نے انتظامیہ سے فوری طور پر ہسپتال میں کینٹین کی سہولت فراہم کرنے کا مطالبہ کیا ہے۔
