سیالکوٹ (باغی ٹی وی، بیوروچیف شاہد ریاض)سوشل میڈیا پر فرقہ وارانہ پوسٹ شیئر کرنے والا شہری گرفتار، مقدمہ درج،محرم الحرام میں شر انگیزی کی اجازت نہیں، ڈی پی او سیالکوٹ کا سخت پیغام
سیالکوٹ پولیس نے محرم الحرام کے دوران فرقہ واریت پر مبنی مواد سوشل میڈیا پر پوسٹ کرنے والے ایک شہری کو فوری کارروائی کرتے ہوئے گرفتار کر لیا۔ ملزم کے خلاف تھانہ مراد پور میں مقدمہ درج کر کے اسے جوڈیشل حوالات بھجوا دیا گیا۔
تفصیلات کے مطابق ملزم نے اپنے سوشل میڈیا اکاؤنٹ پر ایسا مواد شیئر کیا جو مذہبی منافرت اور فرقہ واریت کو ہوا دینے والا تھا۔ پولیس نے واقعے کا نوٹس لیتے ہوئے فوری ایکشن لیا اور قانون کے مطابق کارروائی کرتے ہوئے شہری کو گرفتار کرلیا۔ گرفتاری کے بعد مذکورہ شخص نے اپنے اقدام پر ندامت کا اظہار کیا اور معافی کی درخواست بھی دی۔
ڈسٹرکٹ پولیس آفیسر سیالکوٹ فیصل شہزاد نے کہا ہے کہ محرم الحرام کے مقدس ایّام میں سوشل میڈیا پر شر انگیز اور فرقہ وارانہ مواد شیئر کرنے والوں پر کڑی نظر رکھی جا رہی ہے۔ انہوں نے واضح کیا کہ کسی بھی مسلک یا مذہب کے خلاف اشتعال انگیز پوسٹس یا تبصرے برداشت نہیں کیے جائیں گے، اور ایسے عناصر کے خلاف سخت قانونی کارروائی عمل میں
