سیالکوٹ: چہلم امام حسین ، ڈپٹی کمشنر کا دورہ، فول پروف سیکیورٹی کے انتظامات
![](https://baaghitv.com/wp-content/uploads/2024/08/foolprouf-sec.jpg)
سیالکوٹ (باغی ٹی وی،بیوروچیف شاہدریاض): چہلم امام حسین علیہ السلام کے موقع پر ڈپٹی کمشنر سیالکوٹ محمد ذوالقرنین نے مرکزی امام بارگاہ کا دورہ کیا۔ اس موقع پر اسسٹنٹ کمشنر انعم بابر، پولیس کے مقامی حکام اور امن کمیٹی کے اراکین بھی ان کے ہمراہ تھے۔
چہلم کے جلوس کیلئے سیکیورٹی کے فول پروف انتظامات کیے گئے ہیں۔ جلوس کی سی سی ٹی وی کیمروں سے نگرانی کی جا رہی ہے جبکہ محمد ذوالقرنین ڈی سی سیالکوٹ، ریسکیو 1122 اور تنظیم شہری دفاع کے جوان بھی ڈیوٹی پر معمور ہیں۔
ڈپٹی کمشنر محمد ذوالقرنین سے مرکزی امام بارگاہ کے منتظمین کی ملاقات ہوئی جس میں انہوں نے بہترین سیکیورٹی اور انتظامات پر اظہار تشکر کیا۔ ٹریفک پولیس متبادل ٹریفک پلان کے مطابق ڈیوٹی انجام دے رہی ہے۔
ڈپٹی کمشنر نے مجموعی انتظامات پر اطمینان کا اظہار کیا اور یقین دلایا کہ تمام شہریوں کی سلامتی کو یقینی بنانے کے لیے ہر ممکن اقدام کیا جا رہا ہے۔