سیالکوٹ (باغی ٹی وی، سٹی رپورٹر مدثر رتو) تھانہ صدر کی حدود میں واقع بھڈال گاؤں کے مشہور منشیات فروش اشرت عرف گونا کو عدالت نے 34 سال اور 6 ماہ قید کی سزا سناتے ہوئے منطقی انجام تک پہنچا دیا۔
تفصیلات کے مطابق سب انسپکٹر مرزا ادریس کی قیادت میں کارروائی کے دوران اشرت عرف گونا کے قبضے سے چرس، افیون، پاؤڈر اور دیگر منشیات برآمد کی گئی تھیں۔ سب انسپکٹر نے کیس میں تمام ثبوت اور گواہان عدالت کے سامنے پیش کرتے ہوئے ملزم کو سزا دلوانے میں اہم کردار ادا کیا۔
عدالتی فیصلے کے بعد علاقے میں خوشی کی لہر دوڑ گئی۔ سول سوسائٹی اور عوام نے سب انسپکٹر مرزا ادریس کی کارکردگی کو سراہتے ہوئے ڈی پی او سیالکوٹ سے درخواست کی کہ ایسے فرض شناس افسران کو انعامات سے نوازا جائے اور ان کی تعیناتی ہر علاقے میں یقینی بنائی جائے تاکہ عوام کی جان و مال محفوظ رہ سکے۔
