پاکستان ریلوے نے 12 سال بعد سیالکوٹ ایکسپریس ٹرین بحال کر دی۔
پاکستان ریلوے کے حکام کا کہنا ہے کہ یہ اقدام مسافروں کو بہتر اور آرام دہ سفری سہولیات فراہم کرنے کے وژن کا حصہ ہے، ٹرین کی سیالکوٹ آمد پر شاندار استقبال کیا گیا، ڈھول کی تھاپ پر رقص کیا گیا اس موقع پر مسافروں پر پھول کی پتیاں بھی نچھاور کی گئیں،اس طرح پاکستان ریلوے نے ایک اور بند ٹرین دوبارہ چلاکر عوام کا دیرینہ مطالبہ پورا کر دیا ہے-
اسٹیشن ماسٹر کا کہنا تھا کہ سیالکوٹ ایکسپریس لاہور سے سیالکوٹ اور وہاں سے وزیر آباد جبکہ وزیر آباد سے سیالکوٹ اور لاہور جائے گی،اس ٹرین کی بحالی سے لاہور، وزیرآباد اور سیالکوٹ سمیت دیگر شہروں کے مسافروں کو سفری سہولیات میں بہتری آئے گی،یہ ٹرین پانچ اکانومی کلاس کوچز، ایک ٹی ایل وین اور ایک بریک وین پر مشتمل ہوگی، اس کے اسٹاپس میں شاہدرہ باغ، نارنگ، بدو ملہی، نارووال، قلعہ صوبھاسنگھ، پسرور، چونڈا، سیالکوٹ اور سمبڑیال شامل ہیں۔
ویڈیو: لبنان میں شادی کے دوران ایرانی میزائل گزرنے کے مناظر، لوگوں کا خوشی کا اظہار
اسرائیلی حملے،ایران میں دو بھارتی شہری بھی زخمی
یونان کشتی حادثے میں ملوث انسانی اسمگلرز گرفتار
