سیالکوٹ، باغی ٹی وی(مدثر رتو، سٹی رپورٹر ) سیالکوٹ کے سیف سٹی پراجیکٹ میں پہلے ڈی ایس پی کی تعیناتی عمل میں لائی گئی ہے۔ ڈی ایس پی ساجد حمید ورک کو سیف سٹی سیالکوٹ کا ڈی ایس پی مقرر کیا گیا ہے۔
ڈی ایس پی ساجد حمید ورک اس سے قبل ڈسٹرکٹ آفیسر اسپیشل برانچ سیالکوٹ، اسسٹنٹ ڈائریکٹر اینٹی کرپشن اور سرکل آفیسر اینٹی کرپشن کے اہم عہدوں پر بھی اپنی خدمات سرانجام دے چکے ہیں۔
گزشتہ روز سیالکوٹ کے ایک نجی اسکول کے طلبہ و طالبات کو سیف سٹی پراجیکٹ کا مطالعاتی دورہ کروایا گیا۔ اس موقع پر آپریشن کمانڈر سیالکوٹ، ڈی ایس پی ساجد حمید ورک نے طلباء کو سیف سٹی منصوبے میں استعمال ہونے والی جدید ترین ٹیکنالوجی، بالخصوص مصنوعی ذہانت (آرٹیفیشل انٹیلیجنس – AI) پر مبنی نظام کے بارے میں تفصیلی معلومات فراہم کیں۔
انہوں نے زور دیتے ہوئے کہا کہ یہ اہم منصوبہ شہر کو محفوظ بنانے، جرائم کی روک تھام اور شہریوں کو بہتر سہولیات کی فراہمی میں کلیدی کردار ادا کر رہا ہے۔
