سیالکوٹ: ڈپٹی کمشنر جنرل نے سیلاب سے نمٹنے کی مکمل تیاریوں کا حکم دیا
![](https://baaghitv.com/wp-content/uploads/2024/08/dcg-st-1-jpg.webp)
سیاکوٹ،باغی ٹی وی (بیوروچیف شاہدریاض) ڈپٹی کمشنر جنرل محمد اسد رضا کاظمی نے ڈسٹرکٹ ایمرجنسی بورڈ کے اجلاس کی صدارت کرتے ہوئے ضلع میں ممکنہ سیلاب سے نمٹنے کے لیے تمام متعلقہ اداروں کو ہدایت کی ہے کہ وہ ہنگامی صورتحال سے نمٹنے کے لیے مکمل تیاری رکھیں۔
اجلاس کا آغاز تلاوت کلام پاک سے ہوا بعدازاں ڈسٹرکٹ ایمرجنسی آفیسر انجینئر نوید اقبال نے مون سون اور ممکنہ سیلابی صورتحال اور ریسکیو 1122 کی کارکردگی کی بابت تفصیلی بریفنگ دی۔ انہوں نے مزید بتایا کہ حقلیہ جاری مون سون سیزن میں ریسکیو 1122 ہائی الرٹ ہے اور بارش کے باعث متاثر ہونے والے لوگوں کو ریسکیو کرتے ہیں۔ اس سلسلے میں ریسکیو کی پوائنٹس بھی بنا دیے جاتے ہیں۔
سیلابی صورتحال میں بروقت امدادی کاروائیوں کا آغاز کرنے کے لیے تمام سیکٹرز پر سیلابی صورتحال سے نمبردآزما ہونے آلات و کشتیاں پہنچا دی گئیں ہیں اور اس مناسبت سے ڈیوٹی روسٹر بھی جاری کر دیا گیا ہےاس کے علاوہ شہری آبادی میں بھی ہنگامی صورتحال کے لیے الرٹ جاری کر دیا گیا ہے۔
کیوDDMC کیوان نے ڈپٹی کمشنر جنرل کو ضلع میں۔سیلابی صورتحال اور اس کی تیاریوں کے حوالے سے تفصیلی بریفنگ دی اور سیالکوٹ سے گزرنے والے نالے اور دریا کی صورتحال کے بابت بھی آگاہ کیااور سیلابی صورتحال میں امدادی کیمپس کی لوکیشن بھی واضع کر دی گئی ہے اور ادارے آگاہ ہیں۔
ڈپٹی کمشنر جنرل نے ممکنہ سیلاب کے حوالے سے تیاریوں پر اطمینان کا اظہار کیا اور ہدایات جاری کرتے ہوئےکہا کہ تمام ضلعی ادارے ہر ممکنہ تیاری کو یقینی بنائیں، محکمہ انہار کسی بھی قسم کی فلڈ وارننگ کی بروقت اطلاع دیں۔ انہوں نے ریسکیو 1122 کو بھی کہا کہ کسی بھی ایمرجنسی میں ہر ممکنہ وسائل کا استعمال بروئے کار لا کے عوام الناس کو ریلیف مہیا کریں۔ انہوں نے ریسکیو کی کارکردگی کو سراہا