سیالکوٹ ،باغی ٹی وی(بیوروچیف شاہدریاض) الیکٹرانکس ویلفیئر ایسوسی ایشن کے زیر اہتمام فیصل بھٹی اور جنرل سیکرٹری سید آشعر گیلانی کی صدارت میں وزیرآباد روڈ اگوکی موڑ پر شہریوں میں 300 سے زائد مفت ہیلمٹ تقسیم کیے گئے۔
تقریب میں ڈی ایس پی ٹریفک مدثر احمد اور ایس ایچ او تھانہ اگوکی انسپکٹر نعمان بٹر نے خصوصی شرکت کی۔ ایسوسی ایشن کے عہدیداران نے ڈی ایس پی مدثر احمد کا شاندار استقبال کیا اور انہیں گلدستے پیش کیے۔ دوران تقریب 300 سے زائد موٹر سائیکل سواروں کے لائسنس چیک کیے گئے اور انہیں ہیلمٹ دیے گئے۔
اس موقع پر ڈی ایس پی مدثر احمد، انسپکٹر نعمان بٹر، صدر فیصل بھٹی اور جنرل سیکرٹری سید آشعر گیلانی نے میڈیا سے گفتگو کرتے ہوئے کہا کہ چوراہوں پر سیف سٹی کیمرے نصب کیے جا چکے ہیں اور ان کی مسلسل مانیٹرنگ کی جا رہی ہے۔
ہیلمٹ نہ پہننے والوں پر بھاری جرمانے کیے جا رہے ہیں۔ شہریوں سے اپیل ہے کہ اپنی حفاظت کے لیے ہیلمٹ کا استعمال یقینی بنائیں تاکہ حادثات کی صورت میں جان محفوظ رہے اور ای چالان کے جرمانے سے بھی بچا جا سکے، بصورت دیگر قانونی کارروائی کی جائے گی۔
