سیالکوٹ:تیز رفتار ٹریکٹرکی موٹرسائیکل کوٹکر،خاوند جاں بحق ،بیوی شدید زخمی

سیالکوٹ (باغی ٹی وی بیوروچیف شاہد ریاض) بڈیانہ موترہ روڈ پر ٹریکٹر اور موٹر سائیکل کے درمیان خطرناک حادثے میں 55 سالہ یعقوب موقع پر جانبحق جبکہ اس کی اہلیہ ساجدہ شدید زخمی ہوگئی۔ حادثہ اس وقت پیش آیا جب تیز رفتار ٹریکٹر نے موٹر سائیکل سوار یعقوب کو کچل دیا۔

یہ افسوسناک واقعہ بھلوالی گاؤں کے قریب پیش آیا جہاں یعقوب اپنی اہلیہ کے ہمراہ موٹر سائیکل پر سفر کر رہا تھا۔

ریسکیو 1122 کی ٹیم نے موقع پر پہنچ کر یعقوب کی لاش اور اس کی شدید زخمی اہلیہ ساجدہ کو سول ہسپتال منتقل کیا، جہاں ساجدہ کی حالت انتہائی تشویشناک بتائی جاتی ہے۔

حادثے کے بعد ٹریکٹر ڈرائیور علی زیب موقع سے فرار ہوگیا۔ تھانہ موترہ پولیس نے موقع پر پہنچ کر تحقیقات کا آغاز کر دیا ہے اور ٹریکٹر ڈرائیور کی تلاش جاری ہے۔