سیالکوٹ،باغی ٹی وی (بیوروچیف شاہدریاض) گھریلو ملازمہ کی بڑی چوری بے نقاب، لاکھوں کی نقدی و غیر ملکی کرنسی برآمد تھانہ صدر کے علاقے الہلال کالونی میں گھر سے 8 لاکھ 74 ہزار روپے نقدی و غیر ملکی کرنسی چوری کا ڈراپ سین، گھریلو ملازمہ گرفتار کر لی گئی۔
تفصیلات کے مطابق غلہ منڈی کے رہائشی سعید علی کے گھر سے نامعلوم چوروں نے ان کی غیر موجودگی میں سیف الماری کے تالے توڑ کر 7 لاکھ 80 ہزار روپے نقدی، 200 امریکی ڈالر اور 500 سعودی ریال چرا لیے۔
ایس ایچ او تھانہ صدر میاں عبدالرزاق نے جدید ٹیکنالوجی، انٹیلیجنس اور ہیومین سورس کی مدد سے واردات کا سراغ لگا کر گھریلو ملازمہ شانیلہ زوجہ سیف اللہ سکنہ کوٹ ادو کو گرفتار کر لیا۔ دوران تفتیش ملزمہ کے قبضے سے مسروقہ رقم اور غیر ملکی کرنسی برآمد کر لی گئی۔
ڈی پی او سیالکوٹ فیصل شہزاد نے پولیس ٹیم کی کارکردگی کو سراہتے ہوئے افسران اور اہلکاروں کے لیے تعریفی سرٹیفکیٹس اور نقد انعام کا اعلان کیا۔
