سیالکوٹ (باغی ٹی وی بیوروچیف شاہد ریاض)ہیومن ویلفیئر آرگنائزیشن (HWO) پاکستان کے زیر اہتمام 29 مئی کو منعقد ہونے والی "پاکستان زندہ باد” ریلی کی تیاریاں زوروں پر ہیں۔ اس ریلی کا مقصد "آپریشن بنیان مرصوص” کی کامیابی اور بھارت کی عبرتناک شکست پر پاک فوج کو خراج تحسین پیش کرنا ہے۔
HWO کے چیئرمین شہزاد اکبر بٹ ایڈووکیٹ نے ریلی کی تیاری کے سلسلے میں منعقدہ ایک میٹنگ کے شرکاء سے خطاب کرتے ہوئے کہا کہ "آپریشن بنیان مرصوص” کی کامیابی کے بعد پاکستان دنیا میں ایک مضبوط اور طاقتور ریاست کے طور پر سامنے آیا ہے۔ انہوں نے مزید کہا کہ پاک فوج نے دنیا کو یہ باور کروا دیا ہے کہ جو بھی پاکستان کی طرف میلی آنکھ سے دیکھے گا، اس کا حشر بھارت جیسا ہوگا۔
شہزاد اکبر بٹ ایڈووکیٹ نے تمام محب وطن پاکستانیوں اور شہریوں سے اپیل کی کہ وہ اس ریلی میں بھرپور شرکت کریں اور پاک فوج کے شانہ بشانہ کھڑے ہونے کا عہد کریں۔
