سیالکوٹ،باغی ٹی وی (بیوروچیف شاہدریاض) میاں بیوی اور دکاندار لٹ گئے،پولیس کی کارروائیاں،منشیات و شراب برآمد
تفصیلات کے مطابق سیالکوٹ میں مختلف علاقوں میں مسلح ڈاکوؤں کی وارداتوں اور پولیس کی منشیات کے خلاف کارروائیوں میں مقدمات درج کر لیے گئے۔
تھانہ موترہ کے علاقے کوٹ گھمن میں عتیق اپنی بیوی کے ہمراہ موٹر سائیکل پر جا رہا تھا کہ دو مسلح ڈاکوؤں نے انہیں روک کر 10 ہزار روپے نقدی چھین لی۔ اسی تھانے کے علاقے کوٹ ماناں میں دو مسلح ڈاکو دوکان میں گھس کر رضوان کو اسلحہ کے زور پر یرغمال بنا کر 9 ہزار روپے نقدی اور موبائل فون لے کر فرار ہوگئے۔ پولیس نے دونوں وارداتوں کے مقدمات درج کر لیے ہیں۔
دوسری جانب، تھانہ کوتوالی، حاجی پورہ، نیکاپورہ، اور صدر سیالکوٹ پولیس نے مختلف مقامات پر کارروائیاں کرتے ہوئے بڑی مقدار میں منشیات اور شراب برآمد کی۔ فوزیہ عباس سے 540 گرام چرس، 60 گرام افیون، اور 80 گرام آئس برآمد ہوئی۔ شفیق مسیح سے 500 بوتل شراب، جبکہ دیگر ملزمان سے مجموعی طور پر ہزاروں گرام چرس اور درجنوں بوتل شراب ضبط کی گئی۔ تمام ملزمان کے خلاف مقدمات درج کر لیے گئے ہیں۔
پولیس نے شہریوں کو تحفظ فراہم کرنے کے عزم کا اظہار کیا ہے اور جرائم کے خلاف کارروائیوں کو مزید تیز کرنے کا اعلان کیا ہے۔
