سیالکوٹ: فٹ پاتھوں اور شاہراہوں پر ناجائز تجاوزات، 12 افراد کے خلاف مقدمات درج

سیالکوٹ،باغی ٹی وی(بیوروچیف شاہدریاض) پولیس نے فٹ پاتھوں اور شاہراہ عام پر ناجائز تجاوزات قائم کرنے والوں کے خلاف کارروائی کرتے ہوئے مزید 12 افراد کے خلاف مقدمات درج کر لیے۔

تفصیلات کے مطابق تھانہ حاجی پورہ کے علاقے میں پولیس نے عبدالرحمن، عثمان مغل اور محمد عارف کے خلاف فٹ پاتھوں پر غیر قانونی تجاوزات قائم کرنے کے الزام میں مقدمہ درج کیا، جبکہ تھانہ صدر سیالکوٹ کے علاقے میں خرم شہزاد، عادل، نعمت خان، آفاق، خواجہ وقاص، ابوبکر، لقمان اور مبین کے خلاف بھی اسی نوعیت کے مقدمات درج کیے گئے۔

پولیس حکام کا کہنا ہے کہ عوامی راستوں پر ناجائز تجاوزات قائم کرنا غیر قانونی ہے اور اس کے خلاف بلاامتیاز کارروائیاں جاری رہیں گی۔ شہریوں کو بھی ہدایت کی گئی ہے کہ وہ فٹ پاتھوں اور سڑکوں پر رکاوٹیں پیدا کرنے سے گریز کریں ورنہ قانونی کارروائی کا سامنا کرنا پڑے گا۔