سیالکوٹ:پلاسٹک کا بڑھتا ہوا استعمال ماحول کیلئے ایک خطرہ بن چکا ہے ،محمد ذوالقرنین

سیالکوٹ ، باغی ٹی وی( بیوروچیف شاہد ریاض)ڈپٹی کمشنر محمد ذوالقرنین نے کہا ہے کہ وزیر اعلی پنجاب مریم نواز شریف کی ہدایت پر ماحول کوپلاسٹک اور پولیتھین بیگز ختم کرنے کیلئے سول سوسائٹیز بالخصوص خواتین کو اپنا کردار ادا کرنا ہوگا، گراسری کیلئے کپڑے ، پیپر اور رافیہ بیگز سمیت متبادل تھیلوں کا استعمال کرنا ہوگا،

پلاسٹک کا بڑھتا ہوا استعمال ماحول کیلئے ایک خطرہ بن چکا ہے اور سالانہ 4.81 ملین ٹن پلاسٹک جنریٹ ہو رہا ہے جو انتہائی تشویشناک ہے جہاں پلاسٹک انسانی، جنگلی اور آبی حیات کو شدید متاثر کر رہا ہے وہیں پر سیوریج کے نظام کو متاثر کرکے اربن فلڈنگ کا باعث بنتا ہے۔یہ بات انہوں نے آج وویمن چمبر آف کامرس اینڈ انڈسٹری کے زیر اہتمام ‘نو ٹو پلاسٹک ‘ کے عنوان سے منعقدہ سیمینار سے خطاب کرتے ہوئے کیا۔

اسسٹنٹ کمشنر سیالکوٹ انعم بابر، صدر وویمن چمبر آف کامرس مریم نعمان بٹ، ایس وی پی گلزیب وقاص اعوان ، وہاب جہانگیر ایس وی پی، عامر مجید کپور وی پی، چیئرمین ماحولیاتی کمیٹی چمبر آف کامرس جہانگیر چودھری کے علاؤہ ممبران وویمن آف چمبر اور مختلف شعبہ زندگی سے تعلق رکھنے والے افراد نے شرکت کی۔

قبل ازیں ڈپٹی کمشنر محمد ذوالقرنین نے پاپولیشن ویلفیئر کے عالمی دن کی مناسبت سے منعقدہ آگاہی واک میں شرکت کی۔ ڈپٹی کمشنر محمد ذوالقرنین نے کہا کہ پاکستان کی بڑھتی ہوئی آبادی اور وسائل کے درمیان توازن بگڑنے سے معاشی اور اقتصادی مسائل پیدا ہوگا۔ انہوں نے کہا کہ خاندان کا سائز وسائل کے مطابق ہونا خاندان کی خوشحال خاندان کی ضمانت ہے۔

ڈپٹی کمشنر محمد ذوالقرنین نے ڈسٹرکٹ ایمرجنسی ریسپانس کمیٹی برائے انسداد ڈینگی کے اجلاس کی بھی صدارت کی اور مچھروں کے سدباب کیلئے ضلع بھر میں ہاٹ سپاٹ کی اینڈرائڈ بیس سرویلنس کو فول پروف ہونا چاہیے بالخصوص موسم برسات کے آغاز میں مچھروں کو افزائش کا موقع مل سکتا ہے۔ اس کیلئے لازم ہے کہ کسی جگہ پر مستقل پانی جمع نہ ہو۔