سیالکوٹ،باغی ٹی وی (بیوروچیف شاہدریاض) اتحاد پریس کلب کے سالانہ انتخابات، پاکستان گروپ آف جرنلسٹس کا پینل بھاری اکثریت سے کامیاب
سیالکوٹ میں اتحاد پریس کلب کے سالانہ انتخابات میں پاکستان گروپ آف جرنلسٹس کے پینل نے بھاری اکثریت سے میدان مار لیا۔ صدر کے عہدے پر محمد شہباز باجوہ اور جنرل سیکرٹری کے طور پر شاہد خلیل گھمن کامیاب ہوئے۔ دیگر کامیاب ہونے والوں میں سینئر نائب صدر شیخ بابر قریشی، نائب صدر سمبڑیال رانا سلیم اختر، نائب صدر ڈسکہ رانا اشفاق راجپوت، نائب صدر پسرور میڈم نازیہ نواز، نائب صدر سیالکوٹ حافظ میاں عدنان، انفارمیشن سیکرٹری عمران قیصر، فنانس سیکرٹری فیصل کھوکھر اور جوائنٹ سیکرٹری عرفان شاہد شامل ہیں۔
پولنگ صبح 9 بجے سے شام 4 بجے تک جاری رہی، جس دوران تمام ممبران نے آزادی سے اپنا ووٹ کاسٹ کیا۔ انتخابات کا عمل مرکزی و ضلعی الیکشن بورڈ کے تحت مکمل طور پر شفاف اور پُرامن طریقے سے مکمل ہوا۔ ضلعی سرپرست اعلیٰ چوہدری طارق محمود گھمن نے کامیاب امیدواران کو مبارکباد دی۔
الیکشن کے دوران کسی بھی قسم کی بدنظمی یا ناخوشگوار واقعہ پیش نہیں آیا۔ مرکزی چیئرمین مہر عبدالمتین اور ان کی ٹیم نے بھی انتخابی عمل کا جائزہ لیا اور منظم الیکشن کروانے پر الیکشن بورڈ کو خراج تحسین پیش کیا۔
پینل کی کامیابی پر متوقع وائس چیئرمین عامر حفیظ بھٹی اور آفس سیکرٹری فیضان بھٹی نے کامیاب امیدواروں کا پرتپاک استقبال کیا، ہار پہنائے گئے، گل پاشی کی گئی اور ڈھول کی تھاپ پر خوشی کا اظہار کیا گیا۔
