سیالکوٹ ،باغی ٹی وی (سٹی رپورٹر مدثر رتو ) سیالکوٹ پولیس نے چھاپہ مار کارروائی کرتے ہوئے جسم فروشی کے مکروہ دھندے میں ملوث 9 خواتین سمیت 12 ملزمان کو گرفتار کر لیا ہے۔ ترجمان پولیس کے مطابق، تھانہ صدر پولیس کو مخبر کے ذریعے اطلاع ملی کہ ڈکیتی کے مقدمہ میں مطلوب اشتہاری ملزم ندیم احمد موضع ایمن آباد روڈ، دوبرجی ملیاں میں ایک مکان میں موجود ہے۔
پولیس ٹیم نے جب چھاپہ مارا تو خاتون امبر نے شور مچا کر ملزم ندیم احمد کو فرار کرا دیا۔ تاہم، پولیس نے مکان کے مختلف کمروں کی تلاشی لی تو قابل اعتراض حالت میں 9 خواتین اور 3 مرد ملزمان کو گرفتار کر لیا۔ گرفتار ہونے والوں میں مسکان، تانیہ، صائمہ، کنزہ، کرن، رحیم، عادل، زویہ، علیزہ، علی حسن اور امبر شامل ہیں۔
پولیس نے مقدمہ درج کر لیا ہے۔ فحاشی کے اڈے کو چلانے والی ملزمہ امبر نے بتایا کہ وہ اجرت دے کر خواتین کو جسم فروشی کے لیے پیش کرتی تھی۔ ترجمان پولیس کے مطابق، جسم فروشی جیسے حرام اور غلیظ دھندے میں ملوث ملزمان کسی بھی رعایت کے مستحق نہیں۔
