سیالکوٹ: تیز رفتار کارالٹ گئی، تین افراد شدید زخمی

سیالکوٹ (باغی ٹی وی، بیوروچیف شاہد ریاض) تھانہ کوٹلی سید امیر کے علاقے سیدپور روڈ پر تیز رفتاری کے باعث کارالٹ گئی،اس حادثے میں تین افراد شدید زخمی ہو گئے۔

تفصیلات کے مطابق ہنڈا سٹی کار (LEA-3240) کوبے چک کی جانب سے آ رہی تھی کہ پنجاب کالج کے قریب بے قابو ہو کر الٹ گئی۔ حادثے میں زخمی ہونے والوں میں 35 سالہ ذیشان ولد ملک غلام، 17 سالہ ابراہیم ولد بلال، اور 21 سالہ حیدر ولد شوکت شامل ہیں، جو آپس میں قریبی دوست تھے۔

ریسکیو 1122 نے فوری طور پر موقع پر پہنچ کر زخمیوں کو ابتدائی طبی امداد فراہم کی اور انہیں علامہ اقبال میموریل اسپتال سیالکوٹ منتقل کر دیا۔ حادثے کے نتیجے میں گاڑی مکمل طور پر تباہ ہو گئی۔

عینی شاہدین کے مطابق حادثہ تیز رفتاری کی وجہ سے پیش آیا۔ پولیس نے موقع پر پہنچ کر واقعے کی تحقیقات شروع کر دی ہیں۔