سیالکوٹ،باغی ٹی وی (بیوروچیف شاہدریاض) لیڈی کانسٹیبل گھر میں پراسرار گولی لگنے سے جاں بحق
تفصیلات کے مطابق سیالکوٹ میں 45 سالہ لیڈی کانسٹیبل نجف اپنی رہائش گاہ میں پراسرار طور پر گولی لگنے سے جاں بحق ہو گئیں۔ فائرنگ کی آواز سن کر اہل محلہ نے پولیس کو اطلاع دی۔
ڈی پی او فیصل شہزاد اور ڈی ایس پی سٹی فوری موقع پر پہنچ گئے، جبکہ پولیس اور فرانزک ٹیموں نے شواہد اکٹھے کرنے کا عمل شروع کر دیا۔
ڈی پی او کے مطابق واقعے کی خودکشی، حادثہ یا قتل سمیت تمام پہلوؤں پر تفتیش جاری ہے۔
