سیالکوٹ (باغی ٹی وی بیوروچیف شاہد ریاض) چوہدری طارق محمود گھمن، سرپرست اعلیٰ پاکستان گروپ آف جرنلسٹس اور آنسہ زوبیہ باجوہ چئیرپرسن مضبوط وسیلہ ویلفئیر آرگنائزیشن کی مشاورت سے ایک شاندار محفل مشاعرہ کا انعقاد کیا گیا۔ یہ محفل ریسٹ ہاؤس انجمن پٹواریاں میں منعقد کی گئی جسے محمد شہباز باجوہ اور عمران قیصر نے آرگنائز کیا اور میڈم صغریٰ جعفری نے ہوسٹ کیا۔
محفل مشاعرہ کی صدارت عالمی شہرت یافتہ پنجابی شاعر آصف علی علوی نے کی۔ محفل میں مہمان خصوصی ملک محمد آصف امین اعوان (صدر انجمن پٹواریاں)، ڈاکٹر فاروق اقبال، محمد اشرف باجوہ، چوہدری عصمت اللہ وریاہ اور میاں محمد سلیم شامل تھے۔
شعراء میں محمد ایوب صابر، امین جان، سید عدید، مقصود یاور، تجمل حسین تجمل، نعمت اللہ ارشد، ندا مہر آصفہ مریم، ساجدہ چوہدری، کویتا غزل مہرہ، شبنم اور تجمل حسین سچل نے اپنے کلام سے سامعین کے دل جیت لیے اور خوب داد وصول کی۔
اس موقع پر پاکستان گروپ آف جرنلسٹس کے چئیرمین چوہدری طارق محمود لالی، ایم عرفان سلہریا، شیخ ظہیرالدین بابر، شاہد خلیل گھمن، سمیع اللہ مغل، عباس توصیف مغل اور مضبوط وسیلہ ویلفئیر آرگنائزیشن کے سنئیر وائس چئیرمین زاہد شریف، عابدہ فاروق، آصف وریاہ اور رخسانہ آصف نے مہمانان گرامی کا شاندار استقبال کیا اور انہیں گلدستے پیش کیے۔
آخر میں شعراء کو تعریفی شیلڈز اور سرٹیفکیٹ پیش کیے گئے تاکہ ان کی حوصلہ افزائی ہو سکے۔
