سیالکوٹ،باغی ٹی وی (سٹی رپورٹر)پولیس کے شہداءان کی فیملیوں کو سلام جنہوں نے ملک و قوم کیلئے اپنی جان قربان کر دی- شاہد ریاض
4اگست کو شہدائے پولیس ڈے پرشہید پولیس افسران سے بھرپور اظہار محبت کا اظہار کرتے ہیں اورپولیس کے اُن تمام شہید افسران و اہل کاروں اور ان کی فیملیوں کو سلام جنہوں نے ملک و قوم کیلئے اپنی جان قربان کر دی لیکن فرض کی ادائیگی سے پیچھے نہیں ہٹے یہ بات پاکستان کے سب سے بڑے ڈیجیٹل میڈیا نیٹ ورک باغی ٹی وی کے سیالکوٹ میں نمائندے شاہدریاض نے شہدائے پولیس ڈے کے موقع پر اظہارخیال کرتے ہوئے کہی
شاہد ریاض نے کہا کہ شہدائے پولیس ڈے کے موقع پر پولیس کے اُن جاں نثارغازیوں کو بھی سلام جنہوں نے عمر بھر کی معذوری برداشت کرلی لیکن کسی دہشت گرد کےآگے نہیں جھکےملک و قوم پر آنچ نہ آنے دی،پولیس کے بہادرافسران اورجوان ہمارے محافظ ہیں جن کی بدولت ہماری عزتیں محفوظ ہیں ہم سکون سے کاروبار کرتے ہیں اور ہم سکون کی نیند سوتے ہیں
ملک وقوم کی سلامتی کیلئے جام شہادت نوش کرنے والے شہید افسران و اہل کار صرف فورسز کے ہی نہیں بلکہ پوری قوم کے ہیروز ہیں،
پولیس سمیت قانون نافذ کرنے والے تمام اداروں سے وابستہ غازیوں اور شہیدوں پر پوری قوم کو فخر ہے کیونکہ امن کا قیام اِنہی غازیوں اور شہیدوں کی قربانیوں کا ثمر ہے،
