سیالکوٹ (باغی ٹی وی، بیوروچیف شاہد ریاض) ایڈیشنل ڈپٹی کمشنر جنرل سیالکوٹ ایوب بخاری کی زیر صدارت ایک اہم اجلاس میں مختلف سرکاری محکموں کے ملازمین کے ضابطہ اخلاق، پنشن اور جی۔پی فنڈ کیسز کا تفصیلی جائزہ لیا گیا۔
اجلاس میں ڈسٹرکٹ ایجوکیشن اور ہیلتھ اتھارٹیز، ڈی پی او آفس، ریسکیو 1122، محکمہ زراعت توسیع، اسپیشلائزڈ ہیلتھ کیئر، ہائیر ایجوکیشن، کوآپریٹو، پبلک ہیلتھ انجینئرنگ ڈیپارٹمنٹ اور ٹیوٹا کے ملازمین کے زیر التواء پنشن کے 17 کیسز کا جائزہ لیا گیا۔
ایڈیشنل ڈپٹی کمشنر نے ان زیر التواء کیسز کی جلد از جلد ادائیگی کے احکامات صادر کیے۔ اجلاس میں ضابطہ اخلاق کے 50 کیسز پر بھی محکمانہ پیش رفت کا جائزہ لیا گیا، تاکہ معاملات کو بروقت اور شفاف طریقے سے نمٹایا جاسکے۔
